Сауда-саттық ақпарат
Іскерлік белсенділік индексі
- ҚР Ұлттық Банкі
- Tengri Partners PMI
ІБИ - бұл нақты сектордағы экономиканың жағдайын сипаттайтын көрсеткіш, экономикалық тенденциялардың динамикасын, бизнес циклінің маңызды және бетбұрыс нүктелерін зерттеуге мүмкіндік береді. ІБИ Қазақстан Ұлттық Банкі жүргізетін кәсіпорындардың ай сайынғы сауалнамасының нәтижелері бойынша дайындалады және кәсіпорындардың экономикалық көрсеткіштерінің нақты өзгерістеріне және олардың болашақта өзгеруіне қатысты күтулеріне қатысты сұрақтарға кәсіпорындардың жауаптарының жиынтығын қамтиды. Деректер қатары маусымдық факторды жоюмен ұсынылған. Толығырақ: https://nationalbank.kz/kz/page/indeks-delovoy-aktivnosti-po-kazahstanu-ida
ҚРҰБ ақша-кредит саясаты департаментінің директоры Рүстем Оразалиннің түсіндірмесі
2024 жылдың тамыз айында Іскерлік белсенділік индексі (ІБИ) жақсара түсті. Көрсеткіш жетінші ай қатарынан оң аймақта қалып отыр.
Оң динамика барлық секторда бар. Тау-кен өнеркәсібінде жаңа тапсырыстар көлемінің артуы есебінен индекс 52,2 құрап (шілдеде – 49,8), өсу аймағына өтуімен айтарлықтай жақсарды. Басқа секторларда да өткен аймен салыстырғанда көрсеткіштің аздап өскені атап өтілді. Өндірісте индекс 51,8-ге дейін (шілдедегі 51,7-ден), қызмет көрсету секторында 51,1-ге дейін (51,0-ден), құрылыста 50,6-ға дейін (50,4-тен) көтерілді.
Кәсіпорындардың бағалауы бойынша, олардың өніміне/қызметіне сұраныс артып келеді, алайда, өсу қарқыны біршама баяулады. Респонденттер бизнесті қорғау мәселесіне теріс баға берді, қалған факторлар (салық жүктемесі, инфрақұрылым және қаржы/несиеге қолжетімділік) бейтарап бағаланды.
Бизнес-ахуал индексі (БАИ) 2024 жылғы тамызда айтарлықтай өзгерген жоқ. Қазіргі бизнес ахуалды бағалау көрсеткіші төмендеді, бірақ келешекке қатысты оптимизм жақсарды. Бизнес-цикл «сағатының» индикаторы өсу аймағында қалды, қазіргі және келешек жағдайлар оң бағаланды.
Толығырақ: nationalbank.kz/kz/page/indeks-delovoy-aktivnosti-po-kazahstanu-ida