Қалай инвестор болуға болады
Жеке қаржы саласындағы әрбір адамның негізгі мақсаты – жинақталған ақшаны сақтау және көбейту. Қор нарығының құралдарын дұрыс пайдаланылған кезде, ақшаны баға ауытқуларынан қорғауға және қосымша табыс табуға көмектеседі
Бос ақша
Инвестиция сізге жақын арада қажет болмайтын бос ақша есебінен ғана болуы керек. Ешқандай жағдайда инвестиция үшін несие мен қарыз алудың қажеті жоқ.
Алдын ала талдау
Сіз өзіңіз түсінетін құралдарға ғана инвестиция салуыңыз керек. Бағалы қағаздардың түрлерін, олардың тәуекелдерін және олардан ақша табу жолдарын әбден зерттеңіз. Тәуекелдерді талдау, сапалы қағаздарды таңдау және әртараптандыру арқылы азайтуға болады.
Алаяқтық және кепілдіктер
Бағалы қағаздар нарығында кепілдік жоқ. Жоғары кірісті және кепілдендірілген инвестициялар туралы уәде – алаяқтықтың белгілерінің бірі.
Кірістілік және тәуекелдер
Инвестициялау әрқашан тәуекелдермен қатар жүреді. Қаржы нарығында тәуекел мен кірістің арақатынасы ережесі қолданылады: күтілетін кірістілік неғұрлым жоғары болса, тәуекел соғұрлым жоғары болады.
Қор нарығы
Бағалы қағаздар үш негізгі санатқа бөлінеді:
- үлестік бағалы қағаздар (акциялар, пайлар)
- борыштық бағалы қағаздар (облигациялар)
- туынды бағалы қағаздар мен құралдар (жаһандық депозитарлық қолхаттар)
Валюталық нарық
Шетел валютасы айырбасталатын қаржы нарығының бөлігі
Шетел валюталарын сату үшін "валюта" мүшелік санаты бар брокер қажет
Ақша нарығы
Қысқа мерзімді қаржы құралдарымен операциялар жүзеге асырылатын қаржы нарығының бөлігі.
Ақша нарығы ресурстарды тиімді бөлуге ықпал етеді, нарыққа қатысушылардың қысқа мерзімді қажеттіліктерін қаржыландыруды жеңілдетеді және экономикадағы ақша сомасын бақылауға көмектеседі
Мерзімдік нарық
Белгілі бір орындау мерзімі бар қаржы құралдарымен операциялар жүргізілетін қаржы нарығының бөлігі.
Мәміленің мерзімі мен шарттарын мерзімді келісімшарт жасалған кезде сатушы мен сатып алушы алдын-ала анықтайды және актив тараптар белгілеген мерзімде алдын-ала белгіленген бағамен жеткізіледі.
Сіз таңдаған брокер сізге ыңғайлы түрде сіздің атыңызға шот ашады
Сіз таңдаған брокер, шотты сізге оңтайлы түрде толтыруды ұсынады
Әрбір брокердің жеке тапсырыстар қабылданатын әртүрлі
платформалары бар
Бағалы қағаздар брокерге бағалы қағаздарды сатып алуға тапсырыс (бұйрық) берілгеннен кейін сатып алынады
Алаяқтықтан қалай аулақ болуға болады
Алаяқтықты болдырмау үшін сізге ақша салуды ұсынатын компания туралы ақпаратты әрқашан қайта тексеруді ұсынамыз. Ақпаратты тек реттеушінің, KASE және брокерлердің ресми сайттарынан пайдаланыңыз және оларда көрсетілген телефондарға өзіңіз қоңырау шалыңыз. Түсініксіз сілтемелерге өтпеңіз және алдын ала тексерусіз жарнамалардан мобильді қосымшаларды орнатпаңыз