Қарағандының ШОБ өкілдері үшін KASE-де қаржыландырудың жаңа көздері ашылды

2026 жылдың тоғыз айында KASE-де корпоративтік облигациялармен сауда-саттық көлемі 5,5 трлн теңге болды. Бұл ретте облигация шығару арқылы капитал тарту мүмкіндігі тек ірі компанияларға ғана емес, шағын және орта бизнеске де қолжетімді. Қор нарығы кәсіпкерлерге қандай мүмкіндіктер ашатыны Қарағандыда KASE, Еуропа қайта құру және даму банкі (ЕҚДБ) және "ДАМУ" кәсіпкерлікті дамыту қоры бірлесіп өткізген іс-шарада талқыланды.
Биржа өкілдері қатысушыларды ШОБ-қа арналған құралдармен, биржа нарығына шығу кезеңдерімен және KASE SME Qadam Bonds бағдарламасының шарттарымен таныстырды. Бағдарлама тұрақты ақша ағыны бар экономиканың нақты секторындағы компанияларға бағытталған және айналыс мерзімі үш жылға дейінгі теңгемен номинацияланған облигациялар шығаруды көздейді. Негізгі шарттардың қатарында – жеті күннен аспайтын мерзімде листингтен өту, өтінімнің ең төменгі көлемі 50 млн теңге болуы, облигацияларды 50-ден аспайтын білікті инвестор арасында орналастыру, сондай-ақ облигацияларды орналастыру және олардың айналысы үшін комиссиялық алымдардың алынбауы.
Кездесуде ЕҚДБ өкілі Қазақстанның капитал нарығын қолдау туралы айтып берді, BCC Invest компаниясы ШОБ-тың KASE-ге шығуын сүйемелдеу тәжірибесімен бөлісті, ал "ДАМУ" қоры кәсіпкерлікті қолдау құралдарын таныстырды.
Басқа іс-шаралар







