FEAS-пен диалог арқылы капитал нарығын дамыту және халықаралық инвесторларды тарту

KASE делегациясы 12–14 қазанда Оманда өткен FEAS және ConFEAS 2026 іс-шараларына қатысты. KASE клиринг орталығы Басқарма төрағасының орынбасары Алла Ли халықаралық қауымдастыққа Қазақстан нарығының жетістіктерін таныстырды.

Биыл акциялар нарығының капиталдандырылуы 41 % өсіп, 109,3 млрд АҚШ долларына жетті, ал тоғыз айдағы сауда-саттық көлемі 56 % ұлғайды. KASE цифрлық қаржы активтерінің сауда-саттық платформасы операторының № 001 лицензиясын алды, елімізде алғаш болып индекстік ETF-терді іске қосты. Сонымен қатар мемлекеттік бағалы қағаздар нарығында баға қалыптастырудың ашықтығын арттырып, нарықтың өтімділігін жақсартуға ықпал ететін бастапқы дилерлер институты жұмыс істей бастады.

Қазақстан капитал нарығының инфрақұрылымын жүйелі түрде дамытып, халықаралық инвесторлар үшін мүмкіндіктерді кеңейтіп келеді. FEAS қатысушыларымен диалог осы бағыттағы жұмысымызды ілгерілетуге ықпал етеді.