Ring the Bell – KASE-де Қазақстандағы алғашқы цифрлық қаржы активтерімен сауда-саттық басталды

KASE-де Қазақстанда алғаш рет цифрлық қаржы активтері (ЦҚА) шығарылып, орналастырылды. Шығарымның эмитенті ALTA Telecom компаниясы, ал шығарылым мен орналастыруды ұйымдастырушы BCC Invest компаниясы болды.

🤝 Сауда-саттықтың ашылуына арналған салтанатты рәсімге KASE, BCC Invest және ALTA Telecom өкілдері қатысты. KASE Басқармасының төрағасы Әділ Мұхамеджанов құттықтау сөз сөйледі. Қатысушылар қаржыландырудың жаңа құралын іске қосуды, оны қолдану ерекшеліктерін және KASE цифрлық платформасының мүмкіндіктерін талқылады. KASE Digital Assets Platform платформасын әзірлеушілер таныстырылым өткізіп, одан кейін сұрақ-жауап сессиясы өтті.

Іс-шараның басты сәті сауда-саттықтың басталғанын білдіретін гонг соғу рәсімі болды.

📌 Жаңа құралдың іске қосылуы қазақстандық компанияларға, оның ішінде шағын және орта бизнес өкілдеріне капитал тартуға қосымша мүмкіндіктер береді және еліміздің цифрлық капитал нарығын дамытудағы маңызды қадамға айналады.