Инфляцияны қалай басқаруға болады? Канада тәжірибесі KASE дәрісінде

KASE алаңында Альберта университетінің профессоры Мәлік Шукаевтың ашық дәрісі өтті. Қатысушылар Канаданың инфляциямен күресу тәжірибесін және баға тұрақтылығын қамтамасыз ету тәсілдерін талқылады.

Канада 1991 жылы инфляциялық таргеттеуге көшті. Оның моделі инфляцияның 2% деңгейіндегі нысаналы көрсеткішін, экономикалық күйзелістерге икемді ден қоюды, құбылмалы валюта бағамын және орталық банктің нарықпен әрі халықпен ашық коммуникациясын ұштастырады.

Канада тәжірибесі дәйекті ақша-кредит саясаты мен орталық банкке деген сенімнің баға тұрақтылығын сақтауға қалай ықпал ететінін көрсетеді. Бұл ретте барлығына бірдей қолданылатын әмбебап шешім жоқ – халықаралық тәжірибені әрбір экономиканың ерекшеліктеріне бейімдеу маңызды.