KASE Сингапурдағы Solana іс-шараларына қатысты

Solana Summit Singapore аясында KASE өзінің Digital Assets Platform (DAP) - цифрлық активтермен жұмыс істеуге арналған платформасының архитектурасы мен іске қосу кезеңдерін таныстырды.

Платформаның негізгі технологиялық шешімдері туралы KASE-нің Басқарма төрағасының орынбасары Михаил Гришко айтып берді.

Платформа қатысушыларға қазақстандық эмитенттердің цифрлық активтер түріндегі қаржы құралдарына реттелетін қолжетімдікті қамтамасыз етуге арналған. KASE платформасындағы цифрлық активтер Solana желісінде шығарылады.

Платформаның сенімділігін халықаралық серіктестер қамтамасыз етеді. BitGo цифрлық активтерді сақтауға арналған институционалдық инфрақұрылымды ұсынады, ал Crystal Intelligence блокчейн-аналитикаға, транзакцияларды мониторингтеуге, AML-скринингке және тәуекелді бағалауға жауап береді.

"DAP платформасы блокчейннің технологиялық артықшылықтарын қауіпсіздіктің жоғары деңгейімен ұштастырып, институционалдық қатысушыларға цифрлық активтермен жұмыс істеу үшін түсінікті әрі қорғалған орта ұсынады", - деп атап өтті Михаил Гришко.