Лизинг портфелі 2,3 млрд теңгеге жетті: KASE алаңында Garanti Leasing қатысуымен Эмитенті күні өтті

Қазақстан қор биржасының (KASE) алаңында өткен "Garanti Leasing" ЖШС бойынша Эмитент күнінде Қазақстанның лизинг нарығының көлемі 2025 жылдың қорытындысы бойынша 3,4 трлн теңгеге жеткені айтылды. Бұл көрсеткіш 2019 жылмен салыстырғанда шамамен алты есе артқан. Компания өкілдерінің айтуынша, жоғары өсу қарқынына қарамастан, саланың әрі қарай дамуына әлеуеті әлі де зор.

Кездесу барысында нарықтың жеке секторын дамыту мәселесіне ерекше назар аударылды. "Garanti Leasing" мәліметінше, бүгінде лизинг портфелінің шамамен 93%-ы мемлекеттік институттарға тиесілі. Сонымен қатар жеке лизинг компаниялары да бизнес көлемін белсенді түрде ұлғайтып келеді.

Компания қызметінің нәтижесін бас директор әрі "KazLeasing" қауымдастығының төрағасы Тимур Нурашев таныстырды. 2026 жылғы 1 шілдедегі жағдай бойынша компанияның лизинг портфелі 2 310 млн теңгеге жетті, қолданыстағы шарттар саны 200-ден асты, ал мерзімі өткен берешек деңгейі (NPL 30+) 0% деңгейінде қалды. Компанияның стратегиялық мақсаты - Қазақстандағы жеке лизинг компанияларының үздік бестігіне кіру.

Кездесу барысында компанияның қаржылық көрсеткіштері, бизнесті одан әрі дамыту жоспарлары, KASE алаңында облигациялар шығару арқылы қаржыландыру мәселелері, сондай-ақ Қазақстандағы лизинг нарығын дамыту перспективалары талқыланды.