Инвестициялауды үйрену енді бұрынғыдан да оңай: KASE Academy жаңа білім беру платформасын іске қосты

Инвестициялаудың алғашқы қадамдарынан бастап капитал нарығын кәсіби деңгейде түсінуге дейінгі барлық білім енді бір платформада қолжетімді.

KASE Academy құрылымдалған оқу курстарын, практикалық тапсырмаларды, білімді бағалау жүйесін және оқуды ыңғайлы форматта ұйымдастыруға арналған мобильді қолданбаны біріктіретін заманауи Learning Management System (LMS) білім беру платформасын ұсынады.

Платформада қазірдің өзінде:
📚 бастаушы инвесторларға арналған 3 оқу курсы;
🎥 қосымша материалдар мен практикалық мысалдар қамтылған 40-тан астам бейнесабақ;
✅ нәтижесі автоматты түрде тексерілетін 44 практикалық тапсырма;
📈 оқу барысын, нәтижені және жетістікті бақылауға мүмкіндік беретін жеке кабинет көзделген.

Оқу кезең-кезеңімен ұйымдастырылған: пайдаланушылар материалдарды ретімен меңгеріп, тапсырма орындайды, тест тапсырады, балл жинайды және жаңа модульдерге өтеді.

👾 Оқу процесін одан әрі қызықты ету үшін платформада геймификация элементтері енгізілген: жетістіктер жүйесі, қатысушылар рейтингі және балл жинау мүмкіндігі пайдаланушыларға өз прогресін бақылауға және ынтасын сақтауға көмектеседі.

📱 Платформаға веб-нұсқада да, iOS және Android жүйелеріне арналған мобильді қолданбада да бірыңғай пайдаланушы аккаунты арқылы кіруге болады. Интерфейс пен оқу материалдары қазақ, орыс және ағылшын тілдерінде ұсынылған, бұл оқуды кең аудитория үшін ыңғайлы әрі қолжетімді етеді.

Бұл бастамасы ғана. Жақын уақытта KASE Academy аясындағы білім беру экожүйесі белсенді түрде кеңейтіледі. Платформада капитал нарығының кәсіби қатысушыларына арналған жаңа бағдарламалар, бағалы қағаздарды листингке шығару, инвестицияны салықтық декларациялау бойынша курстар, сондай-ақ мектеп оқушыларына, студенттерге және қаржы әлемін еркін түсінгісі келетін барлық азаматқа арналған қаржылық сауаттылық бағдарламалары іске қосылады.

📌 Білім беру платформасына сілтеме берілген.