KASE мен KazLeasing лизингтік компаниялар үшін капитал нарығында жаңа мүмкіндіктерді кеңейтуде

KASE мен KazLeasing Қазақстанның лизингтік компаниялары қауымдастығы капитал нарығы арқылы лизингтік компанияларды қаржыландырудың жаңа мүмкіндіктерін дамытуды жоспарлап отыр.

Әңгіме жеке лизингтік компаниялардың ұзақмерзімді қорландыруға қолжетімділігін кеңейту, баламалы қаржыландыру көздерін және институционалдық әрі жеке инвесторларды тарту тетіктерін дамыту туралы болып отыр.

Тиісті ынтымақтастық туралы меморандумға KASE Басқарма төрағасының орынбасары Айнагүл Ысқақова және KazLeasing қауымдастығы президиумының төрағасы Дархан Әбдіқалық қол қойды.

Ынтымақтастық аясында тараптар лизинг нарығының инвестициялық тартымдылығын арттыру, заманауи биржалық қаржыландыру құралдарын дамыту және сала қатысушыларының қаржылық сауаттылығын арттыру бағытында да жұмыс істеуді жоспарлап отыр.