KASE Digital Assets Platform платформасымен бірге Қазақстанның цифрлық активтер нарығын дамыту

Қазақстан қор биржасы (KASE) Digital Assets Platform (DAP) платформасын - цифрлық активтерді (ЦА) және цифрлық қаржы активтерін (ЦҚА) шығару, есепке алу және олармен сауда-саттық жүргізуге арналған инфрақұрылымды таныстырды.

📌 ЦА және ЦҚА нарығы KASE үшін валюта, қор және мерзімді нарықтармен қатар жаңа бағытқа айналады. Биржаның міндеті - кәсіби қатысушылардың цифрлық құралдарға жедел, қауіпсіз және реттелетін қол жеткізуін қамтамасыз ету.

Платформада клиенттердің екі түрі қарастырылған - эмитенттер мен сауда-саттыққа қатысушылар. Оған белгіленген лицензиялық, реттеушілік және комплаенс талаптарына сәйкес келетін Биржа клиенттері қатыса алады.

Презентация барысында инфрақұрылымды одан әрі дамытуға, оның ішінде дәстүрлі қаржы құралдарын ЦҚА-ға және кері конвертациялау мүмкіндігіне ерекше назар аударылды.

Кездесуге Қазақстан Республикасы Ұлттық Банкінің, Қазақстан Республикасы Қаржы нарығын реттеу және дамыту агенттігінің және Қазақстан қаржыгерлері қауымдастығының өкілдері қатысты.