KASE БҰҰ Жаһандық шартына қосылды

Қазақстан қор биржасы корпоративтік әлеуметтік жауапкершілік және орнықты даму саласындағы әлемдегі ең ірі ерікті бастама – БҰҰ Жаһандық шартының (United Nations Global Compact) қатысушысы болды.

БҰҰ Жаһандық шартына қатысу KASE-нің мына салалардағы 10 қағидатты ұстанатынын растайды:
📌 адам құқығы;
📌 еңбек қатынастары;
📌 қоршаған ортаны қорғау;
📌 сыбайлас жемқорлыққа қарсы іс-қимыл.

БҰҰ Жаһандық шартына қатысу орнықты даму қағидаттарын Биржаның қызметіне одан әрі интеграциялауға, халықаралық ынтымақтастықты кеңейтуге және Қазақстанның қор нарығында жауапты іскерлік тәжірибені ілгерілетуге ықпал ететін болады.

🤝 KASE Қазақстандағы орнықты даму күн тәртібін дамытуға және БҰҰ-ның Орнықты даму мақсаттарына қол жеткізуге өз үлесін қосуды жалғастыруда.