KASE × Ant Group: цифрлық инфрақұрылым үшін жаңа мүмкіндіктерге жол ашу

Биржалық инфрақұрылымның технологиялық әлеуетін нығайту - Қазақстан қор биржасының (KASE) дамуындағы маңызды бағыттардың бірі.

KASE цифрлық қаржы және финтех салаларындағы өзара іс-қимыл мен серіктестіктің перспективалық бағыттарын талқылау үшін Ant Group өкілдерімен жұмыс кездесуін өткізді.

KASE Digital Asset Platform (DAP) - цифрлық активтермен жұмыс істеуге арналған жаңа биржалық инфрақұрылымды таныстырып, Қазақстандағы реттелетін цифрлық активтер нарығын дамыту жөніндегі өз көзқарасымен бөлісті.

Кездесу барысында KASE-нің биржалық инфрақұрылымы мен жергілікті сараптамасын Ant Group-тың халықаралық технологиялық тәжірибесімен ұштастыру мүмкіндіктеріне, соның ішінде DAP-ты одан әрі дамытуға ерекше назар аударылды.
KASE мен Ant Group серіктестік форматтары мен бірлескен бастамаларды пысықтау бойынша диалогты жалғастырады.

Ant Group - Қытайдағы ең ірі технологиялық және финтех-компаниялардың бірі, Alibaba Group-пен аффилиирленген компания және Alipay цифрлық төлем платформасының операторы.