KASE Қытайдың институционалдық инвесторларына Қазақстанның капитал нарығын таныстырды

Қазақстан қор биржасы (KASE) Қытайдың институционалдық инвесторларына Қазақстанның капитал нарығының мүмкіндіктері мен оның дамуының негізгі көрсеткіштерін таныстырды.

Таныстырылым барысында қатысушыларға KASE-нің елдің қаржы жүйесіндегі рөлі, заманауи биржалық инфрақұрылымы және халықаралық инвесторларға ұсынатын мүмкіндіктер туралы айтылды. Нарықтың серпініне ерекше назар аударылды: 2025 жылдың қорытындысы бойынша KASE-дегі сауда-саттықтың жалпы көлемі 769 млрд АҚШ долларын, бағалы қағаздар нарығындағы сауда-саттық көлемі 29,8 млрд АҚШ долларын, ал валюта нарығындағы сауда-саттық көлемі 98,2 млрд АҚШ долларын құрады.

Сонымен қатар KASE мемлекеттік және корпоративтік облигациялар нарығының дамуы, KASE клиринг орталығының (KACC) қызметі, сондай-ақ Биржаның заманауи сервистері мен ақпараттық өнімдері туралы ақпарат берді.

KASE Қазақстанның капитал нарығының мүмкіндіктерін таныстыру және шетелдік инвестициялық қауымдастықпен ынтымақтастықты нығайту мақсатында халықаралық инвесторлармен осындай кездесулерді тұрақты негізде өткізіп келеді.