«Мерзімді нарыққа кіріспе» вебинары
2025 жылғы 24 сәуірде сағат 16:00-де KASE «Мерзімді нарыққа кіріспе» тақырыбында оқыту вебинарын өткізеді, онда мерзімді нарық жұмысының негіздері, ол инвесторларға не үшін қажет, KASE-де сатылатын фьючерстер мен олардың негізгі ерекшеліктері туралы айтылады.
Вебинарға қатысушылар мерзімді нарықтың негізгі ұғымдары мен тетіктерін түсініп, хеджирлеу және алыпсатарлық стратегиялар үшін фьючерстерді қалай пайдалану керектігін біліп, спикерге тікелей эфирде өз сұрақтарын қоя алады.
Вебинардың спикері KASE-нің Сауда-саттық департаментінің жобаларды дамыту жөніндегі жетекші маманы Алтынай Құмашова болады.
24 сәуірде KASE-де "Мерзімді нарыққа кіріспе" вебинары өтті — қатысушылар мерзімді нарықтың не екенін, инвесторларға не үшін қажет екенін және фьючерстердің қалай саудаланатынын білді.
KASE сауда-саттық департаментінің жетекші маманы Алтынай Құмашова фьючерстік келісімшарттардың негізгі ұғымдары, ерекшеліктері және оларды хеджирлеу және алыпсатарлық стратегиялар үшін пайдалану туралы айтып берді.