KASE және Turkish Investor Relations Society (TUYID) бірлескен вебинар өткізді
KASE инвесторлармен өзара іс-қимыл жөніндегі мамандарды біріктіретін және IR-де үздік халықаралық тәжірибелерді дамытуға ықпал ететін TUYID-кәсіби қауымдастықпен онлайн-кездесу өткізді.
Вебинарда TUYID сарапшылары инвесторлармен жұмыс істеудегі заманауи трендтер, компаниялардың ашықтығына қойылатын жаңа талаптар, сенім қалыптастырудағы аналитика мен деректердің рөлі, сондай-ақ компаниялар, акционерлер мен нарық арасында тиімді коммуникацияларды қалай құру керектігі туралы айтып берді.
Қатысушылар компанияларға өз беделін нығайтуға және инвестициялық тартымдылықты арттыруға мүмкіндік беретін практикалық құралдарды, ақпаратты ашу тәсілдерін және табысты IR стратегияларының мысалдарын талқылады.
Іс-шараның модераторы KASE академиясының басшысы Абылай Сыздықов болды.
Кездесу IR-функцияны дамыту, сондай-ақ Қазақстан мен Түркия арасындағы кәсіби байланыстарды нығайту бойынша тәжірибе мен көзқарастармен алмасуға жақсы мүмкіндік болды.