KASE-дегі "ҚазТрансОйл" компаниясымен Эмитент күні: "Сауда-саттықтың рекордтық көлемі және инвесторлардың компанияға деген жоғары қызығушылығы"
📢 2026 жылдың 17 наурызында Қазақстан қор биржасының (KASE) алаңында "ҚазТрансОйл" компаниясының қатысуымен Эмитент күні өтті.
🎙️ Спикерлер ретінде "ҚазТрансОйл" АҚ өкілдері, компанияның Басқарма мүшелері: Әміржан Оспанов, Бас директордың экономика және қаржы жөніндегі орынбасары және Алмас Оңғарсынов, корпоративтік басқару жөніндегі басқарушы директор сөз сөйледі.
Спикерлер 2025 жылдың қорытындысы бойынша "ҚазТрансОйл" таза табысы 45,6 млрд теңгені құрағанын, бұл өткен жылдың көрсеткіштерінен 7 %-ға жоғары екенін атап өтті. Бұл өсім экспорт пен транзитке тарифтердің өсуіне байланысты. Мұнай тасымалдау көлемі 45,1 млн тоннаға жетті, бұл ретте компания ағындарды баламалы бағыттар арқылы сәтті қайта бағыттай отырып, жоғары икемділік көрсетті. Кездесу барысында даму жоспарларына ерекше назар аударылды – 2026 жылға арналған инвестициялық бағдарлама шамамен 49 млрд теңгені құрайды және инфрақұрылымды жаңғыртуға бағытталады.
👩🏻💻 Кездесу модераторы Айнагүл Ысқақова, KASE Басқарма Төрағасының орынбасары инвестициялық қоғамдастықпен ашық диалогтың маңыздылығын атап өтіп, сауда-саттықтың оң динамикасы мен инвесторлардың қызығушылығын атап өтті.
"Биржа ретінде біз сауда-саттық инфрақұрылымын дамытуға және нарық өтімділігін арттыруға барынша күш саламыз. Жыл басынан бері бізде жетекші эмитенттердің, оның ішінде "ҚазТрансОйл" бағалы қағаздары бойынша өтімділікті қамтамасыз етуге бағытталған маркет-мейкерлік бағдарламасы жұмыс істейді. Біз тіркеп отырған сауда-саттықтың рекордтық көлемі инвесторлардың компанияға деген жоғары қызығушылығын және қазақстандық қор нарығына деген сенімін айғақтайды.
Бұл оң динамика сақталады деп үміттенеміз ".
KASE әділ баға белгілеу және ыңғайлы биржалық сауда-саттық үшін жағдай жасай отырып, эмитенттер мен инвесторлардың кең ауқымы арасындағы ашық өзара іс-қимыл үшін сенімді платформа ретінде әрекет етуді жалғастыруда.