Эмитент Innoforce күні: облигациялар листингінен қалалардың цифрлық инфрақұрылымын масштабтауға дейін

Innoforce негізін қалаушы Ханат Нурекенов компанияның Орталық Азия нарығында қалалық орта мен қоғамдық көлікті цифрлық трансформациялау саласында көшбасшы екенін атап өтті. 2009 жылдан бері Innoforce бүгінгі таңда Қазақстан мен Қырғызстанның 28 қаласын қамтитын меншікті IT-шешімдерді дамытып келеді. Платформа арқылы күн сайын шамамен 3 млн жол жүру төлемі транзакциясы жасалады.

"Біз бұлтты технологиялар мен жасанды интеллект негізіндегі шешімдерді белсенді енгізіп, меншікті өнімдерімізді дамытып келеміз. Соның арқасында Innoforce жаңа қалаларды бірнеше ай ішінде қосуға қабілетті. Негізгі артықшылықтардың қатарында – бюджет қаражатын тартпай жүзеге асырылатын модель және баламалы шешімдермен салыстырғанда жоғары экономикалық тиімділік. Біздің миссиямыз – орнықты болашақты қамтамасыз ете отырып, ақылды қалалар үшін инновациялық шешімдер жасау. Мұны көпжылдық практикалық тәжірибе растайды", – деп атап өтті Ханат Нурекенов.

Innoforce CEO-сы Назерке Жанабек компания экожүйесі төрт негізгі бағытқа негізделетінін атап өтті: электрондық билеттеу, диспетчерлеу, финтех және смарт-медиа.

"Перспективалы жобалардың қатарында қалааралық тасымалды дамыту, финтех бағытын кеңейту және жарнамалық платформаны ауқымдау бар. Атап айтқанда, Алматыдағы Twinpix инвестициялық кейсі аялдамаларда 300 медиаборд орнатуды көздейді. Жоба көлік аналитикасы мен Big Data-ны біріктіріп, тек жарнама орналастыруға ғана емес, сондай-ақ жолаушыларды көліктің келу уақыты туралы, трафикті, ауа райы жағдайларын және басқа факторларды ескере отырып, хабардар етуге мүмкіндік береді. Біздің барлық бағыт қалалық мобильділікті басқарудың бірыңғай жүйесі ретінде жұмыс істейді, ал әртараптандырылған түсім тәуекелді азайтып, бизнестің орнықтылығын арттырады", – деді Назерке Жанабек.

Облигациялар бойынша қаржылық консультант және андеррайтер ретінде әрекет ететін "UD Capital" АҚ-тың Басқарма төрағасы Ерболат Елешев соңғы жылдары нақты сектор эмитенттерінің жетіспеушілігі байқалатынын атап өтті. Негізінен нарықта микроқаржы ұйымдары мен квазимемлекеттік сектор компаниялары ұсынылған.

"Innoforce – IT мен нақты экономиканың тоғысында жұмыс істейтін толықтай жекеменшік компания, бұл оны инвестициялау үшін ерекше тартымды етеді", – деп атап өтті Ерболат Елешев.

Innoforce – қоғамдық көлік, төлем және қалалық инфрақұрылым үшін цифрлық шешімдерді әзірлеп, енгізетін қазақстандық IT-холдинг. Негізгі өнімдерінің қатарында Avtobys қоғамдық көлікті басқару және жол жүру ақысын төлеу платформасы, сондай-ақ Smart City, Big Data және цифрлық төлем технологияларын біріктіретін финтех-сервис бар, ол қалалық мобильділіктің бірыңғай экожүйесін қалыптастырады.