Қазақстан және АДБ "Қазақстан Республикасының облигациялар нарығы жөніндегі нұсқаулықтың" алғашқы басылымын ұсынады

Қазақстан қор биржасы (KASE) 2026 жылғы 03 мамырда елдің қарыз құралдары нарығын жүйелі түрде сипаттайтын алғашқы кешенді басылым – "Қазақстан Республикасының облигациялар нарығы жөніндегі нұсқаулықтың" (Bond Market Guide for Kazakhstan) жарияланғаны туралы хабарлайды.

Аталған нұсқаулық ASEAN+3 облигациялар нарықтары форумы жүзеге асырып жатқан ASEAN+3 Bond Market Guide жөніндегі нұсқаулықтар сериясы аясында әзірленді. Айта кету керек, 2025 жылы Қазақстан бұл Форумға ресми бақылаушы мәртебесінде қосылды.

Құжат Қазақстан Республикасының Ұлттық Банкі, Қазақстан Республикасының Қаржы нарығын реттеу және дамыту агенттігі, Қазақстан Республикасының Қаржы министрлігі, KASE, «Астана» халықаралық қаржы орталығы (АХҚО) және Бағалы қағаздардың орталық депозитарийі (KCSD) бірлесіп қатысуымен, Азия даму банкінің (АДБ) қолдауымен әзірленді.

Нұсқаулық Қазақстан облигациялар нарығының жұмыс істеуінің негізгі аспектілерін қамтиды, оның ішінде қалыптасу тарихы, қолданыстағы құқықтық және реттеуші база, қарыз құралдарының түрлері, сондай-ақ сауда, клиринг және есеп айырысу инфрақұрылымы кеңінен қарастырылған.

Құжат халықаралық инвесторлар, эмитенттер, қаржы делдалдары, реттеуші органдар мен зерттеушілер үшін маңызды анықтамалық материал болып табылады. Ол Қазақстанның капитал нарығы туралы жүйелі әрі өзекті ақпарат ұсынады.

Нұсқаулықтың ресми таныстырылымы және жарияланғаны туралы хабарландыру 2026 жылғы 03–06 мамыр аралығында Өзбекстанның Самарқанд қаласында өткен Азия даму банкінің Басқарушылар кеңесінің 59-шы жыл сайынғы отырысы аясында өтті.

Құжатпен осы сілтеме арқылы танысуға болады.