KASE «ҚазТрансОйл» АҚ-пен бірге «Эмитент күнін» өткізеді
Қазақстан қор биржасы (KASE) «Эмитент күні» жобасы аясында 29 тамызда «ҚазТрансОйл» компаниясының басшылығымен кездесу өткізеді.
Іс-шара сағат 10:00-де онлайн-форматта өтеді. Қатысушылар компанияның 2025 жылдың бірінші жартыжылдығындағы өндірістік және қаржылық нәтижелерін талқылайды.
Спикерлер:
Әміржан Оспанов – «ҚазТрансОйл» АҚ Басқарма мүшесі, Бас директордың экономика және қаржы жөніндегі орынбасары;
Алмас Оңғарсынов – «ҚазТрансОйл» АҚ Басқарма мүшесі, корпоративтік басқару жөніндегі басқарушы директоры.
Сондай-ақ талқылауға компанияның басқа да басшылары мен мамандары қатысады.
Модератор: Айнагүл Ысқақова, KASE Басқарма төрағасының орынбасары.
Кездесу инвесторлар мен бағалы қағаздар нарығының кәсіби қатысушылары үшін қызықты болады. Кездесуді тыңдағысы келетін барлық адам онлайн қосыла алады. Сілтеме.