Листингілік емес бағалы қағаздар

"Листингілік емес бағалы қағаздар" секторында айналысқа Қазақстан Республикасының заңнамасына немесе шет мемлекеттің заңнамасына сәйкес кез келген тұлғалар шығарған бағалы қағаздар мынадай талаптарға сәйкес келген кезде жіберілуі мүмкін:

1) бағалы қағаздарға ISIN халықаралық сәйкестендіру нөмірі берілген;

2) бағалы қағаздарды есепке алу "Бағалы қағаздардың орталық депозитарийі" АҚ-нда немесе Clearstream, Euroclear халықаралық депозитарийлері және/немесе Орталық депозитарий үшін оның ішкі құжаттарына сәйкес есепке алу ұйымдары болып табылатын шетелдік депозитарийлердің есепке алу жүйесінде жүзеге асырылады немесе бағалы қағаздарға рұқсат берілгеннен кейін жүзеге асырылады;

3) бағалы қағаздарды "Листингілік емес бағалы қағаздар" секторында айналысқа жіберудің бастамашысы ретінде "қор" санаты бойынша Биржа мүшесі әрекет етеді.

KASE а бағалы қағаздарды "Листингілік емес бағалы қағаздар" секторына айналысқа жіберу үшін және олардың осында болуы үшін алымдар алмайды.