Талдаулар мен шолулар

ҚОР НАРЫҒЫ
KASE Индексінің мәні дүйсенбі күні 1,08%-ға төмендеп, 7 079,65 тармақты құрады. Өкілдік тізімдегі акциялар арасында ең көп мәмілелер "Қазақстан Халық Банкі" АҚ акцияларымен жасалды – 7 753. Мәмілелердің ең үлкен көлемі де "Қазақстан Халық Банкі" АҚ акцияларына тиесілі болды – 323,9 млн теңге. Өсімді екі эмитенттің акциялары көрсетті – "Кселл" АҚ (+1,12%) және "ҚазТрансОйл" АҚ (+0,93%).

АҚША НАРЫҒЫ
Мемлекеттік бағалы қағаздармен (МБҚ) бір күндік мерзімге (TONIA) репо операцияларының кірістілігі 89 б.п.-қа өсіп, сауда-саттық күнінің қорытындысы бойынша жылдық 16,96% құрады. Бір күндік мерзімге (SWAP-1D (USD)) АҚШ доллары кепілімен теңгені қарызға алу мөлшерлемесі 65 б.п.-қа өсіп, жылдық 11,90% құрады. Ақша нарығының бір күндік құралдарымен сауда-саттықтың жиынтық көлемі 696,907 млрд теңгені құрады.

ВАЛЮТА НАРЫҒЫ
Дүйсенбі күні сағат 17:00-де сауда-саттық қорытындысы бойынша "ертең" есеп айырысу мерзімімен АҚШ долларының теңгеге шаққандағы орташа өлшенген бағамы 537,71 теңгені құрады. Ұлттық валюта 1,22 теңгеге нығайды. Сауда-саттық көлемі 238,243 млн АҚШ долларын құрады. Барлығы 747 мәміле жасалды. Минималды баға – 536,71 теңге, максималды баға – 539,40 теңге, соңғы мәміленің бағасы – 537,70 теңге.

Лондон ICE Futures биржасында Brent мұнайының желтоқсан фьючерстерінің құны дүйсенбі күні Алматы уақытымен сағат 18:00-де 0,94%-ға өсіп, барреліне 63,32 АҚШ долларын құрады.