Талдаулар мен шолулар

ҚОР НАРЫҒЫ
KASE Индексінің мәні бейсенбі күні 0,15%-ға өсіп, 6 944,21 тармақты құрады. Өкілдік тізімдегі акциялар арасында ең көп мәмілелер "Қазақстан Халық Банкі" АҚ акцияларымен жасалды – 3 502. Мәмілелердің ең үлкен көлемі "Банк ЦентрКредит" АҚ акцияларына тиесілі болды – 410,6 млн теңге. Өсімді алты эмитенттің акциялары көрсетті – "Қазатомөнеркәсіп" ҰАК АҚ (+1,96%), "Эйр Астана" АҚ (+1,68%), Kaspi.kz АҚ (+0,55%), "ҚазМұнайГаз" ҰК АҚ (+0,15%), "ҚазТрансОйл" АҚ (+0,05%) және "Кселл" АҚ (+0,03%).

АҚША НАРЫҒЫ
Мемлекеттік бағалы қағаздармен (МБҚ) бір күндік мерзімге (TONIA) репо операцияларының кірістілігі 10 б.п.-қа төмендеп, сауда-саттық күнінің қорытындысы бойынша жылдық 17,07% құрады. Бір күндік мерзімге (SWAP-1D (USD)) АҚШ доллары кепілімен теңгені қарызға алу мөлшерлемесі 9 б.п.-қа өсіп, жылдық 9,9% құрады. Ақша нарығының бір күндік құралдарымен сауда-саттықтың жиынтық көлемі 612,694 млрд теңгені құрады.

ВАЛЮТА НАРЫҒЫ
Бейсенбі күні сағат 17:00-де сауда-саттық қорытындысы бойынша "ертең" есеп айырысу мерзімімен АҚШ долларының теңгеге шаққандағы орташа өлшенген бағамы 538,12 теңгені құрады. Ұлттық валюта 0,45 теңгеге нығайды. Сауда-саттық көлемі 251,583 млн АҚШ долларын құрады. Барлығы 824 мәміле жасалды. Минималды баға – 537,49 теңге, максималды баға – 538,75 теңге, соңғы мәміленің бағасы – 538,00 теңге.

Лондон ICE Futures биржасында Brent мұнайының желтоқсан фьючерстерінің құны бейсенбі күні Алматы уақытымен сағат 18:00-де 4,19%-ға өсіп, барреліне 65,21 АҚШ долларын құрады.