Тұрақты даму
Биржа тұрақты дамуды, бизнес жүргізу кезінде экологиялылық пен әлеуметтік жауапкершілікті арттыруды, ашықтықты, сондай-ақ листингтік компаниялар мен Биржа мүшелері арасында корпоративтік басқару стандарттарын және жауапты инвестициялау қағидаттарын жоғарылатуды дәйекті түрде ілгерілетеді
Біздің тұрақты даму тәсіліміз
KASE Тобы тұрақты даму қағидаттарын стратегиясы мен операциялық қызметіне халықаралық қағидаттар мен стандарттарды, реттеуші талаптарды және мүдделі тараптардың күтулерін басшылыққа ала отырып интеграциялайды. Бірыңғай тәсілді бекіту мақсатында KASE Тобының Тұрақты даму саясаты қабылданды, ол ESG-факторларын KASE Тобының қызметіне интеграциялаудың негізгі қағидаттарын, басымдықтары мен тетіктерін айқындайды.
KASE Тобы Қазақстан Республикасының заңнамасына сәйкес қызметті жүзеге асырады және өз қызметінің тұрақты даму саласындағы халықаралық қағидаттарға, нормалар мен стандарттарға, оның ішінде БҰҰ Жаһандық шартының қағидаттарына, БҰҰ-ның Тұрақты даму мақсаттарына, Париж келісімінің ережелеріне және көпұлтты кәсіпорындарға арналған ЭЫДҰ-ның басшылық қағидаттарына, сондай-ақ тұрақты дамудың өзге де танылған қағидаттарына сәйкестігін қамтамасыз етуге ұмтылады, олардың талаптары мен ұсынымдарын өз қызметіне интеграциялайды.
Биржа ұлттық және халықаралық климаттық мақсаттарды қолдай отырып, экологиялық тәуекелдерді төмендетуге және тұрақты қаржыландыруды дамытуға ықпал етеді.
Негізгі бағыттар
- тұрақты қаржы құралдары нарығын және жауапты қаржыландыру практикасын дамыту;
- эмитенттер мен инвесторларға арналған білім беру іс-шаралары арқылы климаттық күн тәртібін ілгерілету;
- 2024 жылдан бастап Net Zero Financial Services Providers Alliance (Exchange Group) ұйымына қатысу және Париж келісімінің мақсаттарын қолдау;
- ресурстарды ұтымды пайдалану және экологиялық ізді азайтуға бағытталған "Жасыл офис" бағдарламасын іске асыру.
Биржа адами капиталға инвестиция салып, заңнама талаптары мен адам құқықтары саласындағы халықаралық қағидаттарды сақтай отырып, қызметкерлер мен нарық қатысушылары үшін инклюзивті және қауіпсіз орта қалыптастырады.
Негізгі бағыттар
- қызметкерлер тұрақтылық пен стратегиялық мақсаттарға қол жеткізудің негізгі факторы ретінде қарастырылады;
- KASE Тобының Персоналды басқару саясатының болуы, ол "Қазақстан қор биржасы" АҚ Директорлар кеңесінің шешімімен (2025 жылғы 28 қарашадағы №38 отырыс хаттамасы) және "KASE Клирингтік орталығы" АҚ Директорлар кеңесінің шешімімен (2025 жылғы 9 желтоқсандағы №23 отырыс хаттамасы) бекітілген;
- персоналды басқару жүйесі корпоративтік мәдениетті дамытуға, қызметкерлердің тартылуын арттыруға және кадрлар ауысымдылығы тәуекелдерін төмендетуге бағытталған;
- қызметкерлерді оқыту және дамыту кәсіби, басқарушылық және көшбасшылық құзыреттерді (hard және soft skills) қамтиды;
- кадрлық резервті қалыптастыру, негізгі басқарушы персоналды дамыту, сабақтастықты қамтамасыз ету, ашық мансаптық өсу мен тең мүмкіндіктер, қауіпсіз еңбек жағдайлары, әлеуметтік пакет және медициналық сақтандыруды қамтамасыз ету.
Тиімді корпоративтік басқару жүйесі Биржаның қаржы нарығының негізгі институты ретіндегі тұрақтылығы мен сенімін қамтамасыз етеді.
Негізгі бағыттар
- Корпоративтік әдеп кодексін, Тұрақты даму саясатын және Сыбайлас жемқорлыққа қарсы іс-қимыл саясатын ұстану;
- әдеп, ашықтық мәдениетін дамыту және мүдделер қақтығысының алдын алу;
- қаржылық емес ақпаратты тұрақты түрде ашу және тұрақты даму жөніндегі есептілікті жариялау;
- стратегиялық шешімдер қабылдау және негізгі көрсеткіштерді бекіту кезінде тұрақты даму мәселелерін Биржаның Директорлар кеңесі мен Басқармасы деңгейінде қарастыру.
Биржа ұлттық және халықаралық климаттық мақсаттарды қолдай отырып, экологиялық тәуекелдерді төмендетуге және тұрақты қаржыландыруды дамытуға ықпал етеді.
Негізгі бағыттар
- тұрақты қаржы құралдары нарығын және жауапты қаржыландыру практикасын дамыту;
- эмитенттер мен инвесторларға арналған білім беру іс-шаралары арқылы климаттық күн тәртібін ілгерілету;
- 2024 жылдан бастап Net Zero Financial Services Providers Alliance (Exchange Group) ұйымына қатысу және Париж келісімінің мақсаттарын қолдау;
- ресурстарды ұтымды пайдалану және экологиялық ізді азайтуға бағытталған "Жасыл офис" бағдарламасын іске асыру.
KASE Басқарма төрағасының хаты
"2025 жыл Биржа үшін маңызды трансформация кезеңі болды. Біз ESG бағытын ұстануымызды жалғастырып, оны жүйелі түрде дамытуға берік негіз қалыптастырдық. Біз үшін даму деңгейін айқындап, келесі қадамдарды жоспарлау және қол жеткізілген нәтижелерді тұрақты түрде бағалай отырып, дәйекті әрі ашық ілгерілеу ерекше маңызды.
Біздің басты міндетіміз – Биржа айналасында мықты кәсіби қауымдастық қалыптастыру және клиенттер үшін ESG тәсілдерінің нақты құндылығын көрсету. KASE тұрақты қаржы нарығын дамытуға және стандарттарды айқындауға қабілетті инфрақұрылымдық институт ретінде айтарлықтай әлеуетке ие.
KASE ESG бағытын ұзақмерзімді негізде дамытуды және қаржы нарығына қатысушылар үшін нақты құндылық жасауды көздейді."
