/KASE, 14.03.23/ – Қазақстан қор биржасы (KASE немесе биржа) 2023 жылдың 16
наурызында KASE сауда-саттық жүйесінде "Swiss Capital (Свисс Капитал) "МҚҰ" ЖШС
(Алматы) KZ2P00007818 (KASE балама алаңы, "облигациялар" санаты, MFSCb1; 1 000
теңге, 4,0 млрд теңге; 05.11.21 – 05.11.24; тоқсандық купон, 20,00% жылдық;
30/360) облигацияларына жазылу арқылы бастапқы орналастыру жүргізілетінін
хабарлайды.
Көрсетілген облигацияларға жазылу кезінде сатушы ретінде "Фридом Финанс" АҚ
(Алматы) (бұдан әрі – Сатушы) әрекет етеді.
Орналастырылатын облигациялардың номиналды көлемі – 1 000 000 000 теңге.
Жазылым шеңберінде өтінімдерді қабылдау 2023 жылдың 16 наурызында Астана қаласы
уақытымен сағат 10:30-дан 12:30-ға дейін жүргізіледі. Жазылым аясында тек
шектелімді өтінімдер қабылданады.
Биржа қабылдаған өтінімдер тізілімін сатушыға беру күні – 2023 жылдың 16 наурызы;
Сатушының қанағаттандырылған өтінімдер тізілімін Биржаға беру күні – 2023 жылдың
16 наурызы; есеп айырысуды жүзеге асыру күні мен уақыты – 2023 жылдың 16 наурызы,
Астана қ.уақытымен 14:00. Есептесулерді "Бағалы қағаздардың орталық депозитарийі"
АҚ жүзеге асырады.
Жазылымға қатысу үшін өтінімдер биржаға тек "қор" санатындағы KASE мүшелері
арқылы беріледі. Санаттар бойынша KASE мүшелерінің толық тізімі
http://kase.kz/ru/membership сілтемесі бойынша жарияланған.
Осы жазылымды жүргізу шарттарына сәйкес көрсетілген облигацияларды Сатушыға
ашылатын инвестор туралы қосымша ақпарат ретінде жеке тұлғаның тегі, аты,
әкесінің аты (бар болса) немесе заңды тұлғаның атауы беріледі.
Бағалы қағаздарға жазылым жүргізу ережелері KASE интернет-ресурсында
http://kase.kz/files/normative_base/rules_ipo.pdf сілтемесі бойынша
жарияланған
Аталған облигациялардың шығарылымы туралы толығырақ ақпарат
https://kase.kz/ru/bonds/show/MFSCb1/ сілтемесі бойынша жарияланды.
[2023-03-14]