KASE «2025 жылы енгізілген өзгерістер есебімен бағалы қағаздарға салық салу және оларды декларациялау» атты вебинар өткізді
2024 жылғы 14 наурызда сағат 15:00-де KASE KPMG Қазақстан ұйымының спикерлерінің қатысуымен «2025 жылы енгізілген өзгерістер есебімен бағалы қағаздарға салық салу және оларды декларациялау» атты вебинар өткізді.
Вебинарда Салық кодексіне енгізілген өзгеріс есебімен, жеке адамдардың 2025 жылғы салық міндеттемелерінің өзекті мәселелері қаралды. Қатысушылар активтер мен міндеттемелер туралы декларацияны (СЕН 250.00), сондай-ақ кіріс пен мүлік туралы декларацияны (СЕН 270.00) тапсыру ерекшеліктері туралы білді. Бағалы қағаздарға салық салуға және кіріс туралы декларацияны егжей-тегжейлі толтыруға ерекше назар аударылды. Сонымен қатар әкімшілік жауапкершілік және мемлекеттік органдар арасында автоматты түрде ақпарат алмасу мәселелері қаралды.
Вебинардың спикерлері:
Инна Алхимова, серіктес, Орталық Азия және Кавказ өңіріндегі KPMG компаниясының Салық және заң практикасының жетекшісі;
Әсел Низамиева, KPMG Kazakhstan ұйымының Салық департаментінің серіктесі;
Жанар Бағлан, Орталық Азия және Кавказ өңіріндегі KPMG компаниясының Салық департаментінің аға менеджері.
Іс-шараның модераторы KASE-нің Эмитенттермен және инвесторлармен жұмыс департаментінің оқыту жөніндегі үйлестірушісі Нұрбек Адамбеков болды.
Бұл вебинар бөлшек инвестор – жеке адамдардың қаржылық сауаттылығын арттыру мақсатында өткізілді.