/KASE, 01.09.26/ – Freedom Holding Corp. Қазақстан қор биржасына (KASE) 2026 жылдың тамыз айындағы Қазақстанның өңдеуші салаларының іскерлік белсенділік индексіне (PMI) шолу ұсынды.

Төменде Freedom Holding Operations ЖШС Экономикалық зерттеулер және талдау жетекшісі Салтанат Мұхамбеталиеваның пікірлері келтірілген:

" Тамыз айының нәтижелері Қазақстанның өңдеуші өнеркәсібіндегі құлдыраудың жалғасып жатқанын көрсетеді. PMI индексі соңғы 15 айдың 14 інде бейтарап деңгейден төмен болды. Соңғы жылдар мен айларда елде іске қосылған жаңа өндірістік қуаттар мен инвестициялық жобалар, әрине, саланың жиынтық көрсеткіштерін қолдап отыр. Алайда PMI нәтижелері бұл серпіннің кәсіпорындар арасында әзірге біркелкі таралмай отырғанын көрсетеді. Салалар бөлінісінде тамызда іскерлік белсенділіктің ең айқын төмендеуі тамақ өнеркәсібінде байқалды, бұл сұраныстың кезекті рет қысқаруымен байланысты. Көлемі әртүрлі кәсіпорындар арасында ең елеулі нашарлау ірі өндірушілер тобында тіркелді. Олардың өндірістік тізбектердегі рөлін ескерсек, бұл құлдыраудың жеткізушілер мен сабақтас өндірістерге, соның ішінде шағын кәсіпорындар мен қосалқы салаларға одан әрі таралу қаупін туғызады. Бүкіл өңдеуші өнеркәсіпте орнықты динамика қалыптасуы үшін өндірістік мүмкіндіктердің кеңеюі тапсырыстардың өсуімен, ішкі өндірістік кооперацияның дамуымен және кәсіпорындардың айналым капиталын қаржыландыруға қолжетімділігімен қатар жүруі маңызды кооперации и доступом предприятий к оборотному финансированию".

Қазақ тіліндегі шолу – толығырақ

Орыс тіліндегі шолу – толығырақ

Ағылшын тіліндегі шолу – толығырақ

[2026-09-01]