/KASE, 01.10.24/ – Бұдан бұрын хабарланғандай, 2024 жылдың
01 қазанынан бастап Қазақстан қор биржасы (KASE) келесі ESG индекстері
мен индикаторларын есептеп, жариялай бастайды:
- KASE_ESGB_CP – негізгі және баламалы алаңдарға KASE ресми
тізіміне енгізілген облигациялардың ESG "таза" бағаларының индексі;
- KASE_ESGB_DP – негізгі және баламлыа алаңдарға KASE ресми
тізіміне енгізілген ESG облигацияларының "таза емес" бағасының
индексі;
- KASE_ESGB_Y – облигациялардың ESG индексінің кірістілік
индикаторы (жылдық пайызбен);
- ESG облигациялары индексінің дюрациясы (жылдармен).
ESG облигацияларының индекстерін есептеуді іске қосу "жасыл"
экономиканы дамыту саласындағы әлемдік үрдістерге сәйкес KASE ESG
облигацияларының нарығын дамыту мақсатында іске асырылды.
ESG облигацияларының индексін есептеу формулаларында борыштық
қаржы құралдары үшін индекстерді анықтаудың жалпы қабылданған
әдістемесі бойынша стандартты тәсіл бар. ESG облигацияларының бағасы
ретінде индекстер мен индикаторларды есептеу үшін нарық
қатысушыларының ESG облигацияларына қызығушылығы елеулі көрінгенге
дейін KASE Клирингк орталығының "Бағалы қағаздардың есептесу
бағаларын анықтау әдістемесі" атты ішкі құжатына сәйкес анықталған баға
пайдаланылатын болады.
KASE_ESGB_CP индексінің бастапқы мәні 100,00 тармақ деңгейінде,
KASE_ESGB_DP индексінің бастапқы мәні жинақталған купондық
сыйақының орташа мәнін (пайызбен) қоса отырып, 100,00 тармақ
деңгейінде тіркелген.
Индекстердің мәндері Астана қаласы уақытының 17:30-да жұмыс күндері
бойынша күніне бір рет есептеледі және KASE интернет-ресурсында "Қор
нарығының индикаторлары" бөлімінде жарияланады –
https://kase.kz/ru/stock_market/
Бұдан бұрын хабарланғандай, 01 қазаннан бастап ESG облигацияларының
индекстерін есептеу әдістемесі анықталған жаңа редакциядағы "Қор
нарығының индекстері мен индикаторларын есептеу әдістемесі" атты KASE
ішкі құжаты (әдістеме) қолданысқа енгізіледі.
Әдістеме жаңа редакцияда мына сілтеме бойынша KASE интернет-
ресурсында жарияланады
https://kase.kz/ru/kase_rules/ ("Әдістемелер"
қалташасы).
[2024-10-01]