/KASE, 07.02.24/ – "Tengri Partners Investment Banking (Kazakhstan)" АҚ
(Алматы) Қазақстан қор биржасына (KASE) 2024 жылдың қаңтар айында
Қазақстанның өңдеу салалары мен қызмет көрсету салаларының Purchasing
Managers' Index (PMI) индекстерін ұсынды.
Төменде "Tengri Partners Investment Banking (Kazakhstan)"АҚ басқарушы
серіктесі және инвестициялық директоры Әнуар Үшбаевтың пікірлері
келтірілген.
- Қазақстанның өңдеу салаларының индексі бойынша:
"Жыл басы Қазақстанның өңдеу өнеркәсібіне деген оптимизмді
жандандырып, сұраныстың жақсарып келе жатқан белгілері туралы айтуға
негіз берді. Бұл кәсіпорындарды қосымша қызметкерлер жалдауға
ынталандырғаны қуантады. Қаңтар айында өндіріс көлемі мен жаңа
тапсырыстардың индекстері тұрақтандыру нүктесіне жетті. Бұл өңдеу
өнеркәсібі алдағы айларда өсу аймағына қайта оралады деген үміт береді".
- Қазақстанның қызмет көрсету саласының индексі бойынша:
"Жыл басы сұраныстың төмендеуімен ерекшеленді, оның аясында
компаниялар іскерлік белсенділікті арттыруға тырысты. Инфляциялық
қысым күшейіп, қазақстандық жеткізушілердің қызметтері бағасының
инфляциясы зерттеу шеңберінде рекордты (2022 жылдың сәуірі) қайталады.
Дегенмен, оң сигналдар да бар: компаниялар жұмыс орындарының санын
қайтадан көбейтті. Сонымен қатар, алдағы 12 айдағы күту деңгейі зерттеу
аясында жоғарылайды. Бұл алдағы айларда компаниялар қызмет көрсету
саласындағы белсенділікті арттыруға үміттенетінін көрсетеді".
Шолулар KASE интернет-ресурсында жарияланды:
-
https://kase.kz/ru/pmi-indicator/ – орыс тілінде;
-
https://kase.kz/en/pmi-indicator/ – ағылшын тілінде.
[2024-02-07]