/KASE, 01.02.24/ – Қазақстан қор биржасының (KASE) директорлар кеңесінің
2024 жылдың 31 қаңтарындағы шешімімен, 2024 жылдың 01 ақпанынан
бастап қолданысқа енгізілетін, KASE "Мүшелік туралы қағида" (Қағида)
атты ішкі құжатына № 9 өзгертулер мен толықтырулар (түзетулер) бекітілді.
Түзетулермен мыналар белгіленді:
- KASE мүшесінің трейдерін сауда-саттыққа қатысудан шеттету және
KASE сауда-саттық жүйесімен жұмыс істеуге рұқсаттан айыру мерзімі
ұзартылды (10-нан 30 жұмыс күніне дейін);
- KASE мүшесінің трейдерін сауда-саттыққа қатысуға жіберуді қайта
бастау үшін аттестаттаудан өтуі бойынша қосымша шарт белгіленді;
- KASE мүшесінің еншілес ұйымдары болған кезде KASE мүшесі болып
табылатын брокерлік ұйымдарының тоқсан сайынғы
шоғырландырылған қаржылық есептілікті ұсынуы бойынша талап
алынып тасталды;
- KASE мүшелері болып табылатын шетелдік заңды тұлғалар мен АХҚО
қатысушылары үшін қолданыстағы заңнамаға сәйкес қаржылық
есептілік (шоғырландырылған және/немесе жеке) бойынша аудиторлық
есепті KASE-ге ұсынуы бойынша шарт белгіленді;
- KASE мүшелерінің ұсынуы үшін қосымша ақпарат анықталды.
Қағиданың жаңартылған мәтіні KASE интернет-ресурсында мына сілтеме
бойынша жарияланады
https://kase.kz/ru/kase_rules/ ("Мүшелік" қалташасы).
[2024-02-01]