"KASE клиринг орталығы" АҚ банктік операцияларды жүргізуге лицензия алды

/KACC, 06.09.23/ – "KASE клиринг орталығы" АҚ (KACC) банктік операцияларды жүргізуге лицензия алғаны туралы хабарлайды, ол мынадай банк операцияларын (ұлттық және шетел валютасында) жүргізуге құқық береді: - банктердің және банк операцияларының жекелеген түрлерін жүзеге асыратын ұйымдардың корреспонденттік шоттарын ашу және жүргізу; - аударым операциялары: жеке және заңды тұлғалардың төлемдер мен ақша аударымдары бойынша тапсырмаларын орындау; - заңды тұлғалардың банктік шоттарын ашу және жүргізу; - қолма-қол шетел валютасымен айырбастау операцияларын қоспағанда, шетел валютасымен айырбастау операциялары. Лицензияны Қазақстан Республикасының Қаржы нарығын реттеу және дамыту агенттігі 2023 жылдың 28 тамызында 4.3.22 нөмірімен берді. [2023-09-06]