/KASE, 21.09.22/ – Бағалы қағаздары Қазақстан қор биржасының (KASE)
ресми тізімінде тұрған "ҚазМұнайГаз" Ұлттық компаниясы" АҚ (Астана) KASE-
ге 2022 жылдың 20 қыркүйегіндегі баспасөз хабарламасын ұсынды, онда
мыналар хабарланады:
...
2022 жылы 15 қыркүйекте "ҚазМұнайГаз" ҰК АҚ (бұдан әрі – ҚМГ) 2015 жылы
жасалған Опциондық келісім аясындағы өз құқығын пайдаланып, «Самұрық-
Қазына» АҚ-тан (бұдан әрі – Қор) Солтүстік Каспий жобасы (бұдан әрі –
Қашаған жобасы) бойынша Өнімді бөлу туралы келісімнің 16,88% тиесілі "ҚМГ
Қашаған Б.В." ЖШЖК компаниясындағы 50% үлесін 3,8 млрд АҚШ
долларына сатып алды.
"Бұл – "ҚазМұнайГаз" үшін соңғы жылдардағы ең ірі сатып алу мәмілелерінің
бірі. Қашаған жобасындағы үлесі артуы арқылы ҚМГ-ның шоғырландырылған
өндіру, EBITDA, таза пайда және активтер көрсеткіштері жақсарады. Бұл
ретте компанияның қарызы да артады. Сатып алу үшін төлем ҚМГ Қашаған
Б.В. ақша ағымдарының есебінен жүзеге асырылады деп жоспарлануда", -
деп хабарлады ҚМГ Басқарма төрағасының орынбасары Дәурен Қарабаев.
...
Баспасөз хабарламасының толық нұсқасы KASE интернет-сайтында –
https://kase.kz/files/emitters/KMGZ/kmgz_relizs_200922.pdf жарияланған.
[2022-09-21]