/KASE, 18.05.22/ – Бұдан бұрын хабарланғандай, бүгін Қазақстан қор биржасының сауда жүйесінде (KASE) есептесуі 20 мамырда болатын Қазақстан Республикасы Қаржы министрлігінің МЕУКАМ-120 мемлекеттік ұзақ мерзімді қазынашылық міндеттемелерінің 17-шығарылымын (KZKD00000899, MUM120_0017) орналастыру бойынша қайтадан мамандандырылған сауда-саттық өткізілді.

KASE алған хабарламаға сәйкес эмитент кесімдеу бағасын номиналдан 84,2870 % деңгейінде (кірістілік – жылдық 13,65%) белгілеп, номиналды құны бойынша 547 978 000 теңге жалпы сомасына өтінімді қанағаттандырды. Қанағаттандырылған өтінімдердегі орташа сараланған таза бағасы номиналдан 84,3621 %– ды құрады (кірістілік – жылдық 13,62 %).

KASE деректері бойынша ұсынысқа сұраныс 3,6 % құрады, қанағаттандырылған өтінімдер көлемі 472 423 241,3 теңгені құрады.

Нұр-Сұлтан қаласының уақытымен 15:30-дан 16: 00-ге дейін KASE сауда- саттық жүйесінде аталған бағалы қағаздарды қосымша орналастыру бойынша мамандандырылған сауда-саттық өткізілді.

Орналастыру және қосымша орналастыру нәтижелері бойынша кеңейтілген жаңалықтар кейінірек жарияланады.

"Бүгін Қазақстан қор биржасында есептесуі 20 мамырда болатын МЕУКАМ- 120 17-шығарылымын (KZKD00000899, MUM120_0017) орналастыруы бойынша қайталама мамандандырылған сауда-саттықтар өтеді" тақырыбындағы KASE жаңалығы KASE интернет-сайтында толығырақ сілтемесі бойынша жарияланды.

[2022-05-18]