07 ШІЛДЕДЕН БАСТАП KASE ДЕРИВАТИВТЕР НАРЫҒЫНЫҢ ҚАРЖЫ ҚҰРАЛДАРЫМЕН САУДА-САТТЫҚ SPECTRA САУДА-КЛИРИНГІЛІК ЖҮЙЕСІНДЕ ЖҮРГІЗІЛЕТІН БОЛАДЫ

07.07.21 09:00
/KASE, 07.06.21/ – Қазақстан қор биржасы (KASE) 2021 жылдың 07 шілдесінен бастап деривативтер нарығында SPECTRA жаңа сауда- клирингілік жүйесін іске қосатынын хабарлайды. Жаңа сауда-клирингілік жүйеде мынадай туынды қаржы құралдарымен сауда-саттық жүргізілетін болады: - АҚШ долларының теңгеге бағамына жеткізілімсіз фьючерс; - "Қазақстан Халық жинақ банкі " АҚ жай акцияларына жеткізілімсіз фьючерс; - "Қазатомөнеркәсіп" ҰАК"АҚ жай акцияларына жеткізілімсіз фьючерс; - KASE индексіне жеткізілімсіз фьючерс. Болашақта KASE опциондар, опциондық сериялар, күнтізбелік спредтер сияқты құралдармен туынды қаржы құралдарының желісін кеңейтуді жоспарлап отыр. SPECTRA сауда-саттық жүйесінде туынды қаржы құралдарымен сауданы реттеу үшін, сондай-ақ осы нарықта клиринг, есеп айырысу және орталық контрагенттің функцияларын орындау ережелерін белгілеу үшін 2021 жылдың 07 шілдесінен бастап қолданысқа енгізіледі: - Биржалық қызметті жүзеге асыру ережелеріне № 7 өзгертулер мен толықтырулар; - Мүшелік жарналар, биржалық және клирингтік алымдар туралы қағидаға № 8 өзгертулер мен толықтырулар; - Клирингілік қатысушылар туралы қағидаға № 9 өзгертулер мен толықтырулар; - Қаржы құралдарымен жасалған мәмілелер бойынша клирингілік қызметті жүзеге асыру ережелеріне № 11 өзгертулер мен толықтырулар; - Биржаның сауда жүйелеріне рұқсат беру ережесіне № 1 өзгертулер; - ASTS+ сауда-клирингілік жүйесінде сауда-саттықты өткізу әдістері туралы ережелеріне № 3 өзгертулер мен толықтырулар; - Сауда-саттық және бақылау және қамтамасыз ету жүйесінің жұмыс регламентіне № 4 өзгерту; - "Қазақстан қор биржасы" АҚ мүшелеріне және олардың шоттарына, сауда жүйелерін пайдаланушыларға, бағалы қағаздар эмитенттеріне және қаржы құралдарына кодтар беру тәртібі туралы нұсқаулыққа № 5 өзгертулер мен толықтырулар; - Деривативтер нарығындағы сауда-саттықтар бойынша есеп айырысу ережелерінің жаңа редакциясы; - Шетел валютасының теңгеге бағамына фьючерстердің маманданымы; - Қазақстандық эмитенттердің акцияларына фьючерстердің маманданымы; - KASE индексіне фьючерстің маманданымының жаңа редакциясы. Осы күннен бастап өз күшінен айырылды деп саналады: - Деривативтер нарығындағы сауда-саттықтар бойынша есеп айырысуларды жүзеге асыру ережелерінің қолданыстағы редакциясы; - KAZ Minerals PLC жай акцияларына фьючерстің маманданымы; - "Қазақстан Халық жинақ банкі" АҚ жай акцияларына фьючерстің маманданымы; - "Кселл" АҚ жай акцияларына фьючерстің маманданымы; - "ҚазТрансОйл" АҚ жай акцияларына фьючерстің маманданымы; - KASE индексіне фьючерстің маманданымының қолданыста редакциясы; - АҚШ долларының теңгеге фьючерстерстің маманданымы. Көрсетілген құжаттар KASE сайтының "KASE Ережелері" бөлімінде сілтеме мына бойынша орналастырылатын болады https://kase.kz/kz/kase_rules/ Осы уаоқиғаға арналған баспасөз мәлімдемесі KASE интернет-сайтының "Баспасөз мәлімдемелері" бөлімінде жарияланады – http://kase.kz/kz/press_releases/ [2021-07-07]