/KASE, 25.09.20/ – Облигациялары Қазақстан қор биржасының (KASE)
ресми тізімінде тұрған, "Самұрық-Энерго" АҚ (Нұр-Сұлтан) 2020 жылдың
25 қыркүйегінде Биржаға жолдаған баспасөз мәлімдемесінде былай деп
хабарлады:
цитатаның басы
«Самұрық-Энерго» АҚ Алматы ЖЭО-2-нің қоршаған ортаға шығаруларын
мейлінше азайту мақсатында, оны жаңғырту жұмыстарын жүргізіп отырғаны
белгілі. Бұл тақырыптың маңыздылығын ескере отырып, компания осы
жобамен байланысты ең өзекті сұрақтарға жауап берді.
Алматы ЖЭО-2: газға көшіру.
Алматы ЖЭО-2 толығымен газға көшіріледі. Осылайша, ЖЭО-2-ні қалай
жаңғыртудың және оның қоршаған ортаға тигізетін зиянын мейлінше
азайтудың жолдарын талқылаған қызу пікірталасқа нүкте қойылды.
Бұл мәселені көтеруге бастамашы болған қала жұртшылығы, экологтар
станцияны экологиялық тұрғыдан таза отын – газға көшіруді үзілді-кесілді
талап етті. Олардың уәжі құлаққа шалынып, мемлекеттік деңгейде түбегейлі
оң шешім қабылданды. 2019 жылғы 1 тамызда ЖЭО-2-ні жаңғыртудың «жол
картасы» бекітілді.
цитатаның соңы
Баспасөз мәлімдемесінің толық нұсқасы орналастырылды:
-
https://kase.kz/files/emitters/SNRG/snrg_reliz_250920_kz.pdf – қазақ тілінде;
-
https://kase.kz/files/emitters/SNRG/snrg_reliz_250920.pdf – орыс тілінде.
[2020-09-25]