/KASE, 09.12.19/ – Қазақстан қор биржасы (KASE немесе Биржа) 2019 жылдың 11 желтоқсанында сағат 11:00 бұқаралық ақпарат құралдары (БАҚ) үшін нарықтың 2019 жылдың қазан айындағы жұмыс қорытындылары бойынша медиа-брифинг өткізетіні туралы хабарлайды. Брифингте қазақстандық биржалық нарықтың 2019 жылдың қараша айындағы жұмысы туралы статистикалық ақпараттар ұсынылады.

Іс-шараның спикері – KASE Басқарма Төрағасының орынбасары Андрей Цалюк.

Аталмыш іс-шараның өтетін жері: Алматы қ., Байзақов көш., 280, "Almaty Towers" көпфункциялы кешеннің Солтүстік мұнарасы, 1-ші қабат, KASE пресс-румы.

Ай сайынғы медиа-брифингтерді Биржа 2017 жылдың мамыр айынан бастап өткізе бастады, оның мақсаты биржалық нарықтағы трендтер мен KASE қызметі туралы көкейкесті ақпараттарды мақсатты аудиторияға жедел жеткізіп отыру, сондай-ақ Биржа мен бұқаралық ақпарат құралдарымен өзара серіктестік қарым-қатынастарды құру болып табылады.

[2019-12-09]