"ҚазМұнайГаз" ұлттық компаниясы" АҚ (Қазақстан) "Павлодар мұнай-химия заводын жаңғырту" жөніндегі техникалық-экономикалық негіздемеге оң қорытынды алғаны туралы хабарлады
04.11.11 14:46
/KASE, 04.11.11/ – Облигациялары Қазақстан қор биржасының (KASE)
ресми тізімінде тұрған "ҚазМұнайГаз" ұлттық компаниясы" АҚ (Астана)
2011 жылыдң 04 қарашасындағы баспасөз хабарламасын биржаға ұсынып,
былай деп хабарлады:
цитата басы
"ҚазМұнайГаз" ҰК АҚ "Жобаларды мемлекеттік ведомстводан тыс сараптау"
жөніндегі Республикалық мемлекеттік кәсіпорнынан 2010-2014 жылдарға
арналған Қазақстанның үдемелі индустриалды-инновациялық даму
бағдарламасына сәйкес жүзеге асырылып отырған "Павлодар мұнай-химия
заводын жаңғырту" жөніндегі техникалық-экономикалық негіздемеге оң
қорытынды алғаны туралы хабарлайды
Техникалық-экономикалық негіздеме ҚМГ және ЭНИ компаниялары
арасында 2009 жылдың 5 қарашасында қол қойылған "Қазақстан
Республикасындағы өнеркәсіптік инфрақұрылым нысандарына
инвестицияларды жүзеге асыру жөніндегі ынтымақтастық пен өзара
түсіністік туралы келісім" аясында жасалған. Жобаны бас директор Н.Ө.
Балғымбаевтың басшылығымен "ҚМГ-нің салынатын кәсіпорындар
дирекциясы" басқарады.
Жаңғырту жобасында шикі мұнай бойынша өңдеу тереңдігін 90%
қамтамасыз ете отырып, завод қуатын жылына 7,5 млн. тонна мұнайға дейін
жеткізу, сонымен қатар мұнай өнімдерін шығаруды арттыра отырып, оның
сапасының "Евро-5" стандартына сай болуын қамтамасыз ету көзделген.
Сонымен бірге 5 жаңа қондырғы салу жоспарланып отыр. Бүгінде жұмыс
істеп тұрған 2 қондырғы қайта бейінделіп, 8 қондырғы қайтадан
жаңартылатын болады, сондай-ақ жалпы завод шаруашылығына қажетті
нысандар салу жоспарланған.
"ҚазМұнайГаз" ұлттық компаниясы" АҚ
Қоғаммен байланыс қызметі
Қазақстан Республикасы, 010000, Астана қ., Қабанбай батыр даңғ., 19
тел. +7 (7172) 976340, факс: +7 (7172) 976329
www.kmg.kz
цитата соңы
[2011-11-04]