KASE Shenzhen Stock Exchange биржасымен стратегиялық серіктестікті нығайтуда
2026 жылғы 29 мамырда KASE мен Shenzhen Stock Exchange (SZSE) Қазақстан мен Қытайдың капитал нарықтары арасындағы стратегиялық ынтымақтастықтың жаңа кезеңін бастайтын Өзара түсіністік туралы меморандумға қол қойды.
Меморандумға қол қою Азияның жаһандық капитал нарықтары архитектурасындағы рөлі күшейіп келе жатқан жағдайда, екі ел нарықтарының инфрақұрылымдық байланысын, институционалдық өзара іс-қимылын және халықаралық интеграциясын дамытудағы маңызды қадам болды.
Меморандум KASE мен SZSE арасындағы қаржы нарықтарын ілгерілету, биржалық индекстер бойынша бірлесіп жұмыс жүргізу, капитал нарығын дамыту тәжірибесін алмасу және кәсіби әлеуетті арттыру, сондай-ақ бағалы қағаздар индустриясындағы жаңа бағыттар мен өзекті мәселелер бойынша ынтымақтастықты кеңейтуге негіз қалайды.
Меморандумға қол қою KASE-нің халықаралық серіктестікті одан әрі кеңейтуге және Қазақстанның өңірдегі қалыптасып келе жатқан инфрақұрылымдық әрі инвестициялық хабтардың бірі ретіндегі позициясын нығайтуға ұмтылысын көрсетеді.