/KASE, 18.06.26/ – 2026 жылдың 22 маусымынан бастап KASE KASE индексінің өкілдік тізіміне (бұдан әрі – Тізім) енетін акциялардың параметрлеріне кезектен тыс өзгерістер енгізеді.

Атап айтқанда, келесі параметрлер өзгертіледі:

• "Қазақтелеком" АҚ-ның (KZTK, KZ0009093241) еркін айналыстағы жай акцияларының үлесі (free float);

• Тізімге енгізілген акциялардың шектеу коэффициенттері.

Аталған өзгерістер KASE-нің "Қор нарығының индекстері мен индикаторларын есептеу әдістемесі" атты ішкі құжатының 4-бабы 16-тармағының 1) тармақшасына сәйкес, "Қазақтелеком" АҚ-ның (KZTK, KZ0009093241) еркін айналыстағы жай акциялары саны осы атаудағы орналастырылған акциялардың жалпы санынан 10 %-дан астам мөлшерде өзгеруіне байланысты жүзеге асырылады. Нәтижесінде аталған акциялар бойынша free float көрсеткіші қазіргі 19,2 %-дан 8,7 %-ға дейін төмендейді.

Төменде берілген кестеде KASE Индексінің мәніне ықпал ететін, акциялардың қолданыста болған және жаңа параметрлері көрсетілген.

------------------------------------------------------------------------------
          2026 жылдың 22 маусымнан бастап      2026 жылдың 22 маусымна дейін
            орналастыры-   free   шектеулі    орналастыры-   free  шектеулі   
Акциялар    лған акциялар  float  коэф-       лған акциялар  float коэф-      
коды        саны           (Fi),% фициент(Ri) саны          (Fi),% фициент(Ri)
------------------------------------------------------------------------------
AIRA        354 951 593   58.8  1.0000000     354 951 593    58.8  1.0000000
CCBN        176 080 651   36.3  1.0000000     176 080 651    36.3  1.0000000
HSBK     10 899 559 145   38.0  0.1904664  10 899 559 145    38.0  0.1951467
KCEL        200 000 000   34.1  1.0000000     200 000 000    34.1  1.0000000
KEGC        275 292 728   15.0  1.0000000     275 292 728    15.0  1.0000000
KMGZ        610 119 493   12.2  0.1213885     610 119 493    12.2  0.1375149
KSPI        190 027 266   33.9  0.1130810     190 027 266    33.9  0.1229129
KZAP        259 356 608   25.0  0.1305038     259 356 608    25.0  0.1209321
KZTK         10 706 024    8.7  1.0000000      10 706 024    19.2  1.0000000
KZTO        384 628 099   10.0  1.0000000     384 628 099    10.0  1.0000000
------------------------------------------------------------------------------

КЕСТЕГЕ ТҮСІНДІРМЕ

KASE индексі – KASE акция нарығының индексі, ол аталмыш индексті есептеу үшін өкілетті тізімге енгізілген акциялар бағасының өзгеруін, олардың эмитенттерінің капитализациясын және еркін айналыстағы (free float) бұл акциялар санын ескере отырып, көрсетеді. Бір атаулыдағы акцияның KASE индексіне ықпалы 15 %-дан аса алмайды. KASE индексі осы индексті есептеу үшін өкілетті тізімдегі атаулы акцияларымен мәміле жасау шамасына қарай сауда-саттық күні барысында есептеледі. Параметрлері KASE индексін есептеуге қажетті, мәмілелер сауда-саттық күні барысында жасалмаса, мұндай есептесулер мақсатында соңғы нәтижелі сауда-саттық сессиясының нәтижелері қолданылады.

Индексті есептеу әдістемесі "Қор нарығы индикаторын есептеу әдістемесі" атты KASE ішкі құжатында берілген, ол KASE веб-сайтында толығырақ мекен-жай бойынша жарияланған.

Индекс беті толығырақ мекен-жай бойынша жарияланған.

Акция коды: биржада сатылатын, бағалы қағаздар эмитентінің кодын (алғашқы 4 таңбасы, сондай-ақ жай акция коды): акция санатын (егер бесінші таңба "p" болса, онда артықшылықты акция); акция шығарылымының реттік нөмірі (қажет болған жағдайда, алтыншы сандық таңба) көрсетіледі. Эмитенттердің кодтары: AIRA – "Эйр Астана" АҚ; CCBN – "Банк ЦентрКредит" АҚ; HSBK – "Қазақстан Халық Банкі" АҚ; KCEL – "Кселл" АҚ; KEGC – АҚ "KEGOC"; KMGZ – "ҚазМұнайГаз" Ұлттық компаниясы" АҚ ; KSPI – Kaspi.kz АҚ; KZAP – АҚ "Казатомпром" ҰАК"; KZTK – АҚ "Қазақтелеком"; KZTO – АҚ "КазТрансОйл".

Орналастырылған акциялар саны – листингілік компания акционерлерінің тізілімі жүйесінің үзінді көшірмесінің мәліметтері немесе компанияның ақпараты негізінде, қайта сатып алынғандарды есептемегенде, листингілік компанияның орналастырылған акциялар саны ретінде, KASE дербес түрде анықтайтын, параметр. Биржа KASE Индексін есептеу кезінде орналастырылған акциялардың биржадағы құжаттармен расталған санының мәнін ескереді.

Free float (Fi), % – мемлекетке, эмитент менеджментіне және, эмитенттің жай акцияларының жалпы санынан бес және одан көп көлеміндегі пайызына иеленген, акционерлерге тиесілі емес, KASE Тәуекел комитетінің шешімімен стратегиялық деп танылмаған (есептік қызмет көрсету қызметін атқаратын институционалды инвесторлар, номиналды иелері және т.б.) акционерлерді қоспағанда, акциялардың саны ретінде KASE анықтайтын параметр.

Шектеу коэффициент (Ri) – әрбір акцияның индекс мәніне ықпалын он бес пайызға дейін шектейтін, параметр.

[2026-06-18]