/KASE, 09.06.26/ – Бұған дейін хабарланғандай, бүгін Қазақстан қор биржасының (KASE) сауда-саттық жүйесінде есептесуі 2026 жылдың 11 маусымында болатын Қазақстан Республикасы Қаржы министрлігінің мемлекеттік ұзақ мерзімді қазынашылық TONIA Compounded Index (TONIA TCI) индексіне индекстелген міндеттемелері (МЕТИСКАМ) KZKF00000020 (MTC048_0002) орналастыру бойынша қайталама мамандандырылған сауда-саттық өткізілді.

KASE алған хабарламаға сәйкес эмитент номиналды құны бойынша жалпы сомасы 62 500 000 000 теңгеге өтінімдерді қанағаттандырып, кесімдеу бағасын номиналдан 100,2299 % (кірістілік – жылдық 18,79 %) деңгейінде белгіледі. Қанағаттандырылған өтінімдердегі орташа сараланған таза баға номиналдың 100,3076 % құрады (кірістілік – жылдық 18,76 %).

Орналастыру және қосымша орналастыру нәтижелері бойынша кеңейтілген жаңалықтар кейінірек жарияланады.

KASE "Бүгін Қазақстан қор биржасында есептесуі 11 маусымында болатын және өтелгенге дейінгі мерзімі 3,9 жыл МЕТИСКАМ KZKF00000020 (MTC048_0002) орналастыру бойынша қайталама мамандандырылған сауда-саттық өткізіледі" тақырыбындағы жаңалығы мына сілтеме бойынша жарияланды толығырақ

[2026-06-09]