/KASE, 06.01.26/ – Бұрын хабарланғандай, бүгін Қазақстан қор биржасының (KASE) сауда-саттық жүйесінде Қазақстан Республикасы Қаржы министрлігінің есеп айырысуы 2026 жылғы 09 қаңтарда жүргізілетін KZKD00001269 (MUM120_0020) мемлекеттік ұзақмерзімді қазынашылық міндеттемелерін (МЕУКАМ) орналастыру бойынша мамандандырылған қайталама сауда-саттық өткізілді.

KASE хабарламасына сәйкес эмитент номиналды құны бойынша жалпы сомасы 25 645 117 000 теңгені құрайтын өтінімдерді қанағаттандырды, шекті бағаны номиналды құнының 92,2223% деңгейінде белгіледі (кірістілік – жылдық 15,64 %). Қанағаттандырылған өтінімдердегі орташа алынған таза баға номиналдың 92,7293% құрады (кірістілік – жылдық 15,53%).

Астана қ. уақытымен 15:30-дан 16:00-ге дейін KASE сауда-саттық жүйесінде көрсетілген бағалы қағаздарды қосымша орналастыру бойынша мамандандырылған сауда-саттық өткізілетін болады.

Орналастыру және қосымша орналастыру нәтижелері бойынша кеңейтілген жаңалық кейінірек жарияланады.

"Бүгін KASE-де есеп айырысуы 09 қаңтарда жүргізілетін, өтеуге дейінгі мерзімі 9,1 жыл болатын KZKD00001269 (MUM120_0020) МЕУКАМ орналастыру бойынша мамандандырылған сауда-саттық қайта өткізіледі" деген KASE жаңалығы мына сілтеме бойынша жарияланған: толығырақ

[2026-01-06]