/KASE, 23.12.25/ – "КазТрансОйл" АҚ (KASE тикері – KZTO) төмендегіні хабарлады:

дәйексөздің басы

2025 жылғы 23 желтоқсанда Варшава қаласында "ҚазТрансОйл" АҚ пен "PERN" АҚ Польша Республикасының аумағындағы "Адамова Застава" пунктінде мұнайды қабылдау және тапсыру мәселелерін реттейтін ынтымақтастық туралы шартқа қол қойды.

Шарт тараптардың мұнайды қабылдау, тапсыру және есепке алу жөніндегі операцияларды жүзеге асыру кезіндегі өзара іс-қимыл тәртібін айқындайды. Құжатта технологиялық рәсімдер мен құжат айналымын жүргізу тәртібі, сондай-ақ үдеріс қатысушылары арасындағы функциялар мен жауапкершіліктің бөлінуі белгіленген. Шарт 2026 жылғы 1 қаңтардан бастап күшіне енеді.

Польшаның мұнай құбыры жүйесінің операторы "PERN" АҚ-пен ынтымақтастық Қазақстан мұнайының Германия бағытына тұрақты транзитін қамтамасыз ету, сондай-ақ Қазақстан Республикасының аумағынан басталатын бүкіл тасымалдау маршруты бойында магистральдық мұнай құбырлары операторлары арасындағы өзара іс- қимылды жолға қою тұрғысынан маңызды мәнге ие.

Қазақстан Республикасының магистральдық мұнай құбырлары жүйесінің ұлттық операторы – "ҚазТрансОйл" АҚ мұнайды ішкі және сыртқы нарықтарға тасымалдау кезінде ұлттық мүдделерді қамтамасыз ету бағытындағы жүйелі жұмысын жалғастыруда.

дәйексөздің соңы

Баспасөз мәлімдемесінің қазақ тіліндегі толық нұсқасы – толығырақ

Баспасөз мәлімдемесінің орыс тіліндегі толық нұсқасы – толығырақ

Баспасөз мәлімдемесінің ағылшын тіліндегі толық нұсқасы – толығырақ

[2025-12-23]