/KASE, 26.08.25/ – Қазақстан қор биржасы (KASE) Басқармасының 2025 жылдың 26 тамызындағы шешімімен "Маркет-мейкерлер қызметінің ережелері" (Ережелер) атты KASE ішкі құжатына № 24 өзгертулер мен толықтырулар (түзетулер) бекітілді.

27 тамыздан бастап мыналарға қатысты түзетулер қолданысқа енгізіледі:

1) бағалы қағаздар бойынша тайм-ауттың максималды жалпы ұзақтығын қысқарту (KASE Индексінің өкілдік тізіміне кіретін бағалы қағаздарды қоспағанда), атап айтқанда:

- KASE Индексінің өкілдік тізіміне кіретін бағалы қағаздар бойынша – 90 минут;

- "KASE Global" секторына енгізілген бағалы қағаздар бойынша – 192 минут;

- өзге де мемлекеттік емес бағалы қағаздар бойынша – 60 минут;

- мемлекеттік бағалы қағаздар бойынша білімі – 150 минут;

2) маркет-мейкердің ашылу аукционын өткізу кезеңінде, оны өткізудің сегізінші минутынан бастап және жабылу аукционын өткізу кезеңінде баға белгілеулерді міндетті түрде жариялауы;

3) аффилиирленген маркет-мейкерлер үшін міндетті баға белгілеудің минималды көлемін кезең-кезеңмен арттыруды белгілеу.

Бұдан басқа, "Бағалы қағаздармен және өзге де қаржы құралдарымен сауданы ұйымдастыру қызметін жүзеге асыру ережелерін бекіту туралы" Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2008 жылғы 29 қазандағы № 170 қаулысына (қаулы) енгізілетін түзетулерге сәйкес келтіру мақсатында, өткен кезеңде бұзушылықтар болған маркет-мейкерлердің өз функцияларын нақты қаржы құралдарына қатысты ғана орындауына жол бермеу жөніндегі шараларды көздейтін, Ережелерге түзетулер енгізілді. Бұл шаралар қаулыға өзгертулер қолданысқа енгізілген күннен бастап қолданысқа енгізілетін болады.

Ережелерднің жаңартылған мәтіні KASE интернет-ресурсында мына сілтеме бойынша жарияланады толығырақ ("Сауда-саттық" қалташасы – "Маркет-мейкерлер").

[2025-08-26]