/KASE, 04.07.25/ – "Қазақстанның Даму Банкі" АҚ (KASE тикері – BRKZ) төмендегіні хабарлады:

цитатаның басы

2025 жылғы 3 шілде

"Қазақстанның Даму Банкі" АҚ ("Бәйтерек" ҰБХ" АҚ еншілес ұйымы, бұдан әрі – ҚДБ, Банк) еурооблигацияларды халықаралық капитал нарықтарында орналастыруды: АҚШ долларындағы еурооблигацияларды қосымша орналастыруды және теңгедегі жаңа шығарылымды орналастыруды сәтті аяқтады.

17-транштың еурооблигацияларын қосымша орналастыру шеңберінде (алғашқы шығарылым – 2025 жылғы сәуір) Банк 2030 жылдың сәуірінде өтеу мерзімімен және 5,562% кірістілікпен 200 миллион АҚШ долларын қосымша көлемде орналастырды. Купондық мөлшерлеме 5,625% деңгейінде. Инвесторлар географиясы Ұлыбританияны (34%), Қазақстанды (26%), Еуропаны (28%), АҚШ-ты (11%) және Таяу Шығысты (1%) қамтиды.

Онымен бірге Банк 3 жыл мерзімге 55 млрд теңге сомасында теңгемен деноминацияланған еурооблигациялардың жаңа шығарылымын – 18- траншты жүзеге асырды. Купондық мөлшерлеме және орналастыру кезіндегі кірістілік – 17,3%. Бұл шығарылымдағы инвесторлардың кең ауқымы Қазақстан (32%), АҚШ (31%), Таяу Шығыс (14%), Ұлыбритания (11%) және Еуропадан (12%) аймағынан шыққан қатысушылар.

Жиналған қаражат жаңартылатын энергия көздері, инфрақұрылым және өндіріс салаларындағы бірқатар жобаны қаржыландыруға жұмсалады.

Еурооблигациялар қолайлы нарықтық конъюнктураның, жоғары өтімділіктің және инвесторлардың айтарлықтай қызығушылығының арқасында сәтті орналастырылды. Ең жоғары деңгейде тапсырыс кітаптары орналастыру көлемінде доллармен 1,3 есе және теңгемен 1,1 есе асып түсті. Айта кетерлік жайт, мәмілелер ҚДБ-ның сәуір айындағы орналастыруына қатыспаған инвесторлар қатысты, бұл Банктің инвесторлық базасының кеңеюі мен әртараптанғанын көрсетеді. Шығарылымның бірлескен ұйымдастырушылары және букренерлері Societe Generale, Citi және Halyk Finance болды.

Цитатаның соңы

Баспасөз релизінің толық нұсқасы мына сілтеме бойынша жарияланған: толығырақ

[2025-07-04]