KASE FEAS Meetings and Tabadul Conference өткізеді

13-14 ақпанда Алматыда FEAS Meetings and Tabadul Conference өтеді.

13 ақпанда KASE өз алаңында Еуразиялық қор биржалары федерациясы (The Federation of Euro-Asian Stock Exchanges, FEAS) мүшелерінің Бас Ассамблеясының 40-отырысын өткізеді. Аталған іс-шара аясында қатысушылар 2025 жылға белгіленген FEAS жоспарын, биржалар арасындағы ынтымақтастықты дамытуға қатысты негізгі мәселелерді талқылайды, тәжірибе алмасып, капитал нарығы инфрақұрылымын дамытудың озат үлгілерінің жұмысымен танысады.

14 ақпанда KASE-нің Tabadul Hub электрондық сауда-саттық жүйесіне қосылу салтанаты мен соған орай KASE ұйымдастыратын Joining Tabadul Digital Hub конференциясы өткізіледі. Оған KASE мүшелері, халықаралық серіктестер, мемлекеттік органдар мен қазақстандық компаниялардың өкілдері қатысады. Конференцияға қатысушылар Таяу Шығыс және Орта Азия елдерінің қаржы нарығын дамытудың, капитал нарығының өтімділігін арттырудың маңызды мәселелерін қарастырады, сондай-ақ Tabadul Hub электрондық сауда-саттық жүйесінде сауда-саттық жүргізу мүмкіндігін талқылайды.