“Қазақстан қор биржасындағы листинг” атты вебинар

2022 жылдың 29 сәуірінде сағат 11:00 -де KASE биржада бағалы қағаздарды шығаруға және орналастырғысы келетін компаниялар үшін “Қазақстан қор биржасындағы листинг” атты тегін оқытушы вебинар өткізеді.

Вебинар аясында келесі тақырыптар қамтылады:
- листингке нөлден бастап дайындық (заңнама, листингтік ережелер, рәсімдер, алымдар);
- листингтің негізгі кезеңдері;
- құжаттардың мазмұнына қойылатын талаптар, оның ішінде ХҚЕС бойынша қаржылық есептілікті дайындау;
-онлайн-листингтің ерекшеліктері және т. б.

Спикерлер:

- Алла Малецкая, KASE листинг департаментінің директоры. Еңбек жолын KASE-де маман лауазымынан бастады, листинг департаментінде өсудің барлық сатыларынан өтті. KASE-де листингілік рәсімдерді жүзеге асыруға және бағалы қағаздар тізімін қалыптастыруға жауапты.

- Жұлдызгүл Мажирина, KASE листинг департаменті директорының орынбасары, шетелдік бағалы қағаздар бөлімінің бастығы. Листинг департаментінде 13 жылдан астам жұмыс тәжірибесі бар ол KASE-де листингтік рәсімдерді жүзеге асыруға және бағалы қағаздар тізімін қалыптастыруға жауапты.

- Анжелика Ярмухамедова, KASE листинг департаментінің сарапшы-аудиторы. Жалпы жұмыс өтілі 5 жылдан астам уақытты құрайды, оның ішінде "BIG 4"сыртқы аудитіндегі жұмыс тәжірибесі бар. KASE танылатын KASE аудиторлық ұйымдарының тізбесін қалыптастыруға, сондай-ақ бағалы қағаздары KASE ресми тізіміне енгізілген немесе енгізілуі жоспарланған эмитенттердің қаржылық есептілігіне мониторинг жүргізуге жауапты.

Вебинардың ұзақтығы: 1,5 сағат.

Қатысу үшін онлайн-тіркеуден өту қажет.

Барлық сұрақтар бойынша мына мекен-жайға хабарласуларыңызды сұраймыз customers@kase.kz.