/KASE, 23.10.24/ – Облигациялары Қазақстан қор биржасының (KASE)
ресми тізімінде тұрған "Қазақстанның Даму Банкі" АҚ (Астана) KASE-ге
2024 жылдың 23 қазанындағы келесі баспасөз хабарламасын ұсынды:
дәйексөздің басы
"Қазақстанның Даму Банкі" АҚ ("Бәйтерек" Ұлттық холдингі" АҚ еншілес
ұйымы, бұдан әрі – ҚДБ, Банк) еурооблигациялардың екі шығарылымын
орналастырды. Біріншісі 500 млн АҚШ доллары сомасында АҚШ
долларында номинацияланған, екіншісі – 65 млрд теңге сомасында теңгеде
номинацияланған.
Еурооблигациялардың жаңа шығарылымдарының параметрлері келесідей:
АҚШ долларындағы еурооблигациялардың шығарылымы:
Көлемі – 500 млн АҚШ доллары, бағалы қағаздардың айналыс мерзімі – 5
жыл, кірістілік – жылдық 5,30 %.
Теңгедегі еурооблигациялардың шығарылымы:
Көлемі – 65 млрд теңге, бағалы қағаздардың айналыс мерзімі – 3,5 жыл,
кірістілік – жылдық 13,50 %.
Еурооблигациялардың екі шығарылымы бойынша есеп айырысулар 2024
жылдың 23 қазанында жүзеге асырылды.
Айта кету керек, тапсырыстар кітабын қалыптастыру нәтижелері бойынша
еурооблигациялардың долларлық шығарылымына инвестор сұранысы
ұсыныс көлемінен бір жарым еседен астамға асып түсті. Еурооблигациялар
инвесторлар арасында айтарлықтай қызығушылық тудырды, бұл
Қазақстанның, атап айтқанда, Қазақстанның Даму Банкі бағалы
қағаздарының инвестициялық тартымдылығын көрсетеді.
Доллар мен теңгелік еурооблигацияларды орналастыру географиясы АҚШ,
Ұлыбритания, басқа Еуропа елдері, Қазақстан және Таяу Шығыс елдерімен
ұсынылған.
Барлығы 98 инвестор бағалы қағаздардың екі шығарылымына да сұраныс
тудырды.
дәйексөздің соңы
Баспасөз хабарламасының толық нұсқасы орналастырылды –
https://kase.kz/files/emitters/BRKZ/brkz_relizs_231024_1.pdf
[2024-10-23]