09 ақпаннан бастап Қазақстан қор биржасында "Эйр Астана" АҚ-ның
KZ1C00004050 (AIRA) жай акцияларымен нарық алдындағы сауда-
саттық ашылады
09.02.24 16:45
/KASE, 09.02.24/ – Қазақстан қор биржасы (KASE) 2024 жылдың
09 ақпанында Астана қ. уақыты бойынша сағат 17:30-дан бастап (AST)
брокерлік ұйымның өтініші бойынша KASE сауда-саттық жүйесінде "Эйр
Астана" АҚ-ның жай акцияларымен (KASE негізгі алаңы, "премиум" санаты,
AIRA) пре-маркет шегінде сауда-саттық ашылатыны туралы хабарлайды.
09 ақпанда сауда-саттық AST 17:30-дан 22:00-ге дейін өткізіледі.
2024 жылдың 12 ақпанынан бастап аталған акциялармен сауда-саттық қор
нарығындағы сауда-саттық регламентіне сәйкес AST 11:30-дан 17:30-ға
дейін өткізілетін болады.
KASE-де көрсетілген акциялармен сауда-саттықты ашудың бастамашысы
"Halyk Finance "Қазақстан Халық банкінің еншілес ұйымы" АҚ болды.
KASE-де көрсетілген акциялармен негізгі сауда-саттықтың ашылу күні мен
уақыты туралы қосымша хабарланатын болады.
KASE эмитенттің хабарламасына сәйкес бастапқы жария ұсыныс (IPO)
шеңберінде KZ1C00004050 бір жай акциясы үшін орналастыру бағасы бір
акция үшін 1 073,83 теңге мөлшерінде белгіленгенін еске салады.
[2024-02-09]