/KASE, 10.07.23/ – Бағалы қағаздары Қазақстан қор биржасының (KASE) ресми
тізімінде тұрған "KEGOC" АҚ (Астана) KASE-ге баспасөз мәлімдемесін ұсынды,
онда мыналар хабарланады:
дәйексөздің басы
"Электр желілерін басқару жөніндегі қазақстандық компания" акционерлік
қоғамы (бұдан әрі - "KEGOC" АҚ) "Электр энергиясын бірыңғай сатып
алушы" тетігін және электр энергиясының теңгерімдеуші нарығын енгізуге
байланысты "Электр энергетикасы туралы" Қазақстан Республикасының
Заңына енгізілген өзгерістерге сәйкес Компания ағымдағы жылдың 1
шілдесінен бастап электр энергиясын беру саласында: ұлттық электр желісі
бойынша электр энергиясын беру және ұлттық электр желісін пайдалану
бойынша екі қызметті жүзеге асыратындығы туралы хабарлады.
Осы өзгерістерді өзектендіру мақсатында, сондай-ақ электр энергиясының
технологиялық шығысын (шығынын) өтеуге және қызметкерлердің еңбегіне
ақы төлеуге жұмсалатын шығындардың өсуін ескере отырып, "KEGOC" АҚ
16.06.2023 ж. ҚР ҰЭМ Табиғи монополияларды реттеу комитетіне (бұдан әрі
– ТМРК) компанияның 2022 – 2026 жылдарға арналған реттеліп көрсетілетін
қызметтеріне бекітілген тарифтер мен тарифтік сметаларды өзгертуге өтінім
жіберді.
ТМРК 2023 жылдың 3 шілдесіндегі №92-ОД бұйрығымен ұлттық электр
желісі бойынша электр энергиясын беру, ұлттық электр желісін пайдалану
бойынша, желіге жіберуді, электр энергиясын тұтынуды техникалық
диспетчерлеу бойынша, "KEGOC" АҚ электр энергиясын өндіру-тұтынуды
теңгерімдеуді енгізу арқылы ұйымдастыру бойынша реттеліп көрсетілетін
қызметтерге тарифтер мен тарифтік сметалардың өзгерістерін 2023
жылдың 1 шілдесінен бастап қолданысқа енгізіле отырып бекітті:
...
дәйексөздің соңы
Баспасөз мәлімдемесінің толық нұсқасы қазақ және орыс тілдерінде
орналастырылған –
https://kase.kz/files/emitters/KEGC/kegc_relizs_100723.pdf
[2023-07-10]