/KASE, 12.05.23/ – Бұдан бұрын хабарланғандай, бүгін Қазақстан қор биржасының
(KASE немесе биржа) сауда-саттық жүйесінде "Birinshi Lombard" ЖШС (Бірінші
Ломбард) (Алматы) KZ2P00009277 (KASE баламалы алаңы, "облигациялар" санаты,
MFBLb1; 1 000 теңге, 1,0 млрд теңге; 2 жыл; тоқсандық купон; жылдық 24,00 %;
30/360) облигацияларына жазылу арқылы оларды бастапқы орналастыру жүргізіледі.
Көрсетілген облигацияларға жазылу кезінде сатушы ретінде "Банк ЦентрКредит" АҚ
еншілес ұйымы – "BCC Invest" АҚ (Алматы) (бұдан әрі – Сатушы) әрекет етеді.
Орналастырылатын облигациялардың номиналды көлемі – 300 000 000 теңге.
Жазылым шеңберінде өтінімдерді қабылдау 2023 жылдың 12 мамырында сағат
10:00-ден 12:00-ге дейін Астана қ. уақытымен жүргізіледі. Жазылым аясында
тек шектеулі өтінімдер қабылданады.
Биржа қабылдаған өтінімдер тізілімін сатушыға беру күні – 2023 жылдың
12 мамыры; Сатушының қанағаттандырылған өтінімдер тізілімін Биржаға
беру күні – 2023 жылдың 12 мамыры; есеп айырысуды жүзеге асыру күні мен
уақыты – 2023 жылдың 12 мамыры, Астана қаласы уақытымен 14:00. Есеп
айырысуларды "Бағалы қағаздардың орталық депозитарийі" АҚ жүзеге асырады.
Жазылымға қатысу үшін өтінімдер Биржаға тек "қор" санатындағы KASE
мүшелері арқылы беріледі. Санаттар бойынша KASE мүшелерінің толық
тізімі
http://kase.kz/ru/membership сілтемесі бойынша жарияланған.
Осы жазылымды жүргізу шарттарына сәйкес көрсетілген облигацияларды
Сатушыға ашылатын инвестор туралы қосымша ақпарат тізбесіне мынадай
мәліметтер кіреді:
1) жеке тұлғаның тегі, аты, әкесінің аты (бар болса) немесе заңды
тұлғаның атауы;
2) ИИН физического лица или БИН юридического лица.
Бағалы қағаздарға жазылым жүргізу ережелері KASE интернет-ресурсында
http://kase.kz/files/normative_base/rules_ipo.pdf сілтемесі бойынша
жарияланған.
Аталған облигациялардың шығарылымы туралы толығырақ ақпарат
https://kase.kz/ru/bonds/show/MFBLb1/ сілтемесі бойынша жарияланған.
[2023-05-12]